hunger

1. qaradərili ingilis rejissor steve mcqueenin debüt filmi. əslində çox da yüksək qiymətləndirməsəm də, heç də pis film deyil. tarixi faktlar əsasında çəkilib. konkret desəm, 1981 irlandiya aclıq aksiyasından bəhs edir. 2008ci il cannes film festivalında nümayiş olunub və camera d'or mükafatı qazanıb. bir neçə müsabiqədən əlavə bafta festivalında da 2 yerə nominasiya olsa da, birini qazanıb.

film barədə spoiler vermək istəmirəm, ona görə bir az həndəvərində fırlanıram.

filmdə dialoqdan demək olar ki, istifadə olunmayıb. bir yerdə uzun dialoq var, o da məşhur keşişlə bobby sandsin görüşməsi. bu görüşmə səhnəsi 17 dəqiqədir və kamera tərpənişi, pauza deyilən şey yoxdu. amma çox gözəl siqaret çəkirlər, həmçinin danışıqdakı emosiyalar əladı.

fikirlərimi daha sonra yenə bölüşəcəm -*

2. knut hamsunun aclıq romanı üçün (bax: sult)

3. bobby sands 9 mart 1954-cü ildə şimali irlandiyanın belfast bölgəsində dünyaya gəlib. katolik bir ailənin uşağı idi və doğulduğu yer protestantların sıx olaraq yaşadığı bir bölgə idi. ailəsi təzyiqlərə dözə bilməyərək iyun 1972-ci ildə buradan köçürlər. sands 18 yaşında ira (irish republican army - irlandiya respublika ordusu) - a qatıldı. oktyabr 1972-ci ildə sands evində 4 dənə silah saxlamaqdan həbs olunur, ancaq 1976-ci ildə sərbəst buraxılır. həbsdən çıxından sonra taksiçiliklə məşğul olmağa başlayır. 6 həftə sonra belfastda bir bombalama hadisəsi baş verir. həmin ərazinin yaxınlığında sandsın avtomobilinin olmasına görə, avtomobilində axtarış aparılır və avtomobildə 1 dənə silah olduğu üçün birləşmiş krallıq məhkəməsi tərəfindən 11 aylıq mühakimə nəticəsində digər 3 yoldaşı (bombalamaa zamanı avtomobilin yanında olduqları üçün) ilə birlikdə 14 il həbsə məhkum edilir. bobby sands'in həbsxanadakı ilk etirazı tək tip üniformaya qarşı başlayır. bu müqaviməti "ədyal etirazı" olaraq adlandırırlar. paltar geyinməyi rədd edən məhkumlara hər cür işgəncə edilməyə başlanır. paltar geyimədiklərindən, soyuqdan donmamaları üçün verilən ədyal ilə gəzirlər. bu bahanə ilə çölə buraxılmırlar və 24 saatlıq bir hücrə cəzası başlayır. yeməklərinin içinə tüpürülür və s. tək tip paltar geyinilməsinə qarşı olan etirazın əsas məqsədi məhkumların hər birinin ayrı-ayrılıqda fərdi şəxsiyyət olaraq tanıdılmasına və hörmət edilməsinə nail olmaq idi. bundan sonra ikinci etiraz başlanır - "yuyunmama etirazı". çünki yuyunmağa gedən məhkumlara nəzarətçilər tərəfindən işgəncə edilir. bunun görə məhkumlar artıq yuyunmaq üçün ümumi duşlara getməyəcəklərini, hər hücrədə bir duş olmasını istəyirlər. ancaq bu tələbləri qəbul edilmir. ingilis nəzarətçilər məhkumlara həddindən artıq dərəcədə şiddət tətbiq edirlər. bunu görən ira bu nəzarətçiləri öldürməyə başlayır. hər nəzarətçi öldürüləndə, ingilis hökuməti və həbsxana rəhbərliyi təzyiqi daha da artırır. bobby sands sonunda aclıq aksiyası etmək qərarı alır. ira və özünün tələbləri ingilis hökuməti tərəfindən qəbul edilənə qədər aclıq aksiyasına davam edəcəyini bildirir. aclıq aksiyası davam edərkən, millət vəkili frank maguire'ın birdən ölümü nəticəsində seçkilərdə sinn fein (ira'nın siyasi qanadı) ingilis parlamentinə millət vəkili seçilir. üstəlik bobby sands, dövrün ingiltərə baş naziri margaret thatcher ilə eyni bölgədən namizəd göstərilmişdir və thatcherin daha çox səs alaraq ingiltərə parlamentinə millət vəkili olaraq seçilmişdir. bu hadisə dünyada böyük əks-səda oyandırır. bir adamın həbsdə olması və aclıq aksiyası zamanı millət vəkili seçilməsi ilk dəfə olaraq baş verir. bobby aclıq aksiyasının 66 -cı günündə millət vəkili seçildikdən 3 həftə sonra 5 may 1981-ci ildə həyatını itirdi. cənazəsinə 100.000-dən çox insan qatıldı. aksiya qaldığı yerdən planlandığı şəkildə davam etdirildi. aclıq aksiyasında həyatını ilk itirən sands olmuşdu, lakin ingilis hökuməti geri addım atmamışdı. daha sonra sıra ilə 9 yoldaşı aksiyanı davam etdirdi və onlar da həyatını itirdi. 10 ölümdən sonra ingilis hökuməti beynəlxalq təzyiqə və edilən hərəkətlərə dözə bilməyib ira'nın tələblərini siyasi hüquqlar verilmədən qəbul etdi. bu tələblər;
1. həbsxana forması geyinməmək haqqı.
2. həbsxana işlərində işlədilməmək haqqı.
3. digər məhkumlarla azad şəkildə görüşə bilmək, təhsil və əyləncə təşkil edə bilmək haqqı.
4. həftədə bir ziyarətçi, bir məktub və bir paket haqqı.
5. etiraz müddətində itirilmiş əfv hüquqlarının qaytarılması.

4. Hunger (2023), yemək sənayesi fonunda insan ambisiyası və sinif fərqləri ilə bağlı maraqlı suallar ortaya qoyan, vizual və emosional cəhətdən güclü bir filmdir. Film ambisiya, sinif mübarizəsi, uğurun bədəli və insanın həm maddi, həm də mənəvi aclığı kimi mövzuları araşdırır.

Süjet maraqlı və düşündürücüdür. The Menu (2022) və Whiplash (2014) kimi filmlərlə oxşarlıqları var, burada da qəhrəman böyük bir daxili və xarici dəyişiklik yaşayır.
Yemək sənayesi vasitəsilə cəmiyyətin varlı və kasıb təbəqələri arasındakı fərqləri ustalıqla əks etdirir.
Film gərginliyi yüksək səviyyədə saxlayır, Aoyun inkişafı və daxili mübarizəsi tamaşaçını ekrana kilidləyir.

-- spoiler
varlıların doymaq üçün yox status uçun yediklərini qismən göstərə bilən filmdir. elit təbəqnin yeməkdə ləzzət yox teatrallıq, servis, görünüş, estetika, incənət axtardığını və bunu niyə etdiyini göstərən filmdir.

hunger

Yalnız deyilsən!