+4 əjdaha
1. steve mccurrynin çəkdiyi dünyaca məşhur portertin
adı. fotodakı qız 1972-ci ildə anadan olan şərbət Qula adlı əfqan qızıdır. Foto çəkilərkən onun 12 yaşı vardı və Pakistanda qaçqın idi. Qaçqın olmasına səbəb həmin illərdə Sovetlər Birliyinin Əfqanıstana ordu yeritməsi idi. Foto 1985-ci ildə National Geographic jurnalının üz qabığı oldu və məşhurlaşması da bundan başladı. Əsər o qədər məşhurlaşdı ki, müəyyən qədər Leonardo Da Vincinin “Mona Lisa”sına oxşadığına görə fotoya “Əfqan Mona Liza”sı adını verdilər.
Sovet bombaları Şərbət Qulanın valideynlərini öldürəndə onun 6 yaşı vardı, buna görə də o, nənəsi ilə birgə Pakistana qaçır. Stiv onu görəndə qız artıq 7 il idi ki, qaçqın düşərgəsində yaşayırdı. S.Mak Karri şəklini çəkməyə onu güclə razı salmışdı. Müsəlman qanunlarına görə, qadınlar yad kişilərlə danışması, onların gözlərinə baxması qadağan idi. Fotosunu çəkməyə razılıq verəndən sonra adətə görə, yad kişiyə adını deməmişdi.
Stiv Mak Karri həmin fotonu kodachrom lentinə Nikon FM2 kamerası, Nikkor 105mm (F2.5) obyektivi ilə çəkmişdi.
17 il sonra (2002) Stiv “əfqan qız”ı axtarmaq üçün Pakistan və Əfqanıstana yola düşür. Uzun sürən axtarışlardan sonra Şərbətin qardaşını tapır. Qardaşı Şərbətin ərindən icazə almaqda Stivə kömək edir. Stiv icazə alınandan sonra onun eyni pozada illər sonrakı fotosunu çəkir. Və onunla söhbətə başlayır. Məlum olur ki, ilk foto çəkiləndən təxminən 3 il sonra Şərbət Qula (15-16 yaşlarında) ailə həyatı qurur. 4 qız anası olur. Lakin övladlarını uşaq yaşlarında itirir. ikinci görüş zamanı Şərbət övladlarını təzəcə itirmişdi, ona görə də iztirablı həyatının üz cizgilərində buraxdığı izlər bilinirdi.
Şərbətin Stiv tərəfindən çəkilən ikinci fotosu da dünyaya səs salır.
illər sonrakı şərbət qula
(baxma: şərbət qula)
(bax: sharbat gula)