+6 əjdaha
1. eks iqtisadi inkişaf naziri.1963-cü ildə cəlilabad rayonunda anadan olub. 1980-ci ildə azərbaycan dövlət inşaat mühəndisləri institutuna (adimi) daxil olub və 1985-ci ildə ali məktəbi bitirib. həm in ildə cəlilabad rayonunda əmək fəaliyyətinə başlayıb. 1985-87-ci illərdə sovet ordusunda müddətli hərbi xidmətdə olub.f.əliyev 1985-90-cı illərdə ictimai fəaliyyətlə yanaşı müxtəlif dövlət işlərində çalışıb. o zaman azərbaycanın ictimai-siyasi həyatında önəmli rol oynayan azərbaycan respublikası gənclər təşkilatı mərkəzi komitəsində şöbə müdiri vəzifəsinə qədər yüksəlib.
1990-97-ci illərdə turizm, ticarət, inşaat, istehsalat sahəsində işləyən özəl şirkətlərə başçılıq edib. son 10 ildə hakim yeni azərbaycan partiyası siaysi şurasının üzvü olub.
o, 1997-ci ildən əmək fəaliyyətini dövlət aparatnda ticarət nazirinin müavini vəzifəsində davam etdirməyə başlayıb. bir qədər sonra isə fərhad əliyev azərbaycan respublikasının ticarət naziri vəzifəsinə təyin olunub. bu vəzifədə çalışdığı illərdə fərhad əliyev özəl sektorun inkişafı, idxal-ixrac əməliyyatlarının sadələşdirilməsi, xarici ticarətin bütünlüklə liberallaşdırılması yönündə bir sıra ciddi işlər görüb.
1999-2001-ci illərdə dövlət əmlak naziri vəzifəsində çalışan fərhad əliyev dövlət əmlakının vahid regestrinin yaradılmasına, özəlləşdirilməyə açıq elan edilmiş müəssisələrin fəaliyyətinin aktivləşdirilməsinə, özəlləşdirmə prosesində şəffaflığın təmin edilməsinə, ölkə vətəndaşları ilə yanaşı xarici şirkətlərin bu prosesdə fəal iştirakına şərait yaradılmasında müstəsna xidmətlər göstərib.
2001-ci ildə azərbaycan respublikası prezidentinin qərarı ilə iqtisadiyyat, ticarət və dövlət əmlakı nazirlikləri, antiinhisar və sahibkarlığa yardım komitəsi, xarici investisiyalar üzrə dövlət agentliyi birləşdirilərək iqtisadi inkişaf nazirliyi yaradılıb və fərhad əliyev nazirliyin başçısı təyin olunub.
fərhad əliyev ölkədə inhisarçılığını, məmur özbaşınalığını, korrupsiyalaşmış məhkəmə sistemini açıq çıxışlarda dəfələrlə tənqid etmiş, bu problemlərin azərbaycanın dövlətçiliyinin möhkəmlənməsinə əngəl olduğunu dəfələrlə vurğulayıb.
2005-ci il oktyabrın 19-da parlament seçkiləri ərəfəsində iqtisadi inkişaf naziri fərhad əliyev öz xidməti kabinetində həbs edilib. ağır cinayətlərə dair işlər üzrə azərbaycan respublikası məhkəməsinin 2007-ci il 25 oktyabr tarixli hökmü ilə 10 il müddətinə azadlıqdan məhrum edilmişdir. 14 oktyabr 2013-cü ildə azərbaycan respublikasının prezidentinin sərəncamı ilə cəzanın çəkilməmiş hissəsindən azad edilmişdir