nə müxalifət nə də iqtidar tərəfdarı insanlar
| sosial
əjdaha lazımdı
googlla
müxalifətçi
başlığı açmağıma səbəb olan yazını, daha doğrusu kommenti olduğu kimi bura, istifadənizə təqdim edirəm
kimdən: ruslan haradan: texas
20.06.2015 01:52
"əvvəlcə onu qeyd edim ki, nə muxalif ne de ki iqtidar düşərgəsinə simpatiyam var, yeri gələndə hər ikisinə qarşı narazılığımı bildirirəm.
bu məqalə azərbaycan xarici siyasətini xüsusilə də abş-dakı lobbiçilik fəaliyyətini guya ifşa edir, hansısa üstü örtülü razılaşmaları və ödənişləri aşkara çıxardır və.s. yazılanlar nə qədər düzgündür? bilmirəm, bəlkə hamısı həqiqətdir vəya yanlış tərəfləri də var. bəlkə də elə bu araşdırmanın da arxasında hansısa gizli hesablanmış çıxar oyunları var, bəlkə də yoxdur-əlqərəz bu mənə maraqlı deyil.
deyək ki, indiki hakimiyyətin yerinə bütün hüquqi və demokratik kriteriyalara cavab verən hakimiyyət gəldi. aydındır ki, indiki hakimiyyət kimi həmin hakimiyyət də amerika kongresinə və nüfuz dairələrinə çıxış imkanı əldə etməyə çalışacaq vəya çalışmalıdır da. əsas sual odur ki, həmin gələcək hakimiyyət indiki hakimiyyətin metodlarına əl atmayacaqmı? çox güman ki atmalı olacaq çünki birinə qonarar verməsən burada - amerikada sənin üzünə də baxmazlar. odur ki bu cür "araşdırmalar" nəinki hakimiyyətə eyni zamanada azərbaycanın ümumi xarici siyasət institutuna və lobbiçilik imicinə zərbə vurur. yəni bu kimi araşdırmalar gələcəkdə fəaliyyət göstərməli olacaq hakimiyyətlərin də ayağını bağlayacaq və sonda hər zamankı kimi azərbaycan və azərbaycan xalqı uduzacaq.
belə metodları ermənilər də istifadə edir, çox vaxt abş-dakı varlı ermənilərin pulundan istifadə olunur. fəqət heç bir erməni jurnalisti belə araşdırmalara dəstək verərək ölkəsinin ayağına güllə vurmur amma bizimkilər sevərək həvəslə bunu edirlər, bax ona görə də ermənilərdən çooox geridəyik. ermənistanda da insan hüquqları pozulur, korrupsiya var, amma heç bir erməni hansısa xarici tədbirdə bunu işıqlandırmır. bilirsiniz niyə? çünki guya gözlənilən beynəlxalq təzyiq xalqa və institutlara heç nə vermir, həmin təzyiqlər sonda siyasi sövdələşmələrdə bizim hakimiyyətə təzyiq rıçağı kimi istifadə olunur ki daha çox divident qopartsınlar bizdən.
üzümü bütün müxaliflərə tuturam, mənim də sizin kimi ölkədəki problemlərdən ürəyim bulanır amma bunu işıqlandıranda və beynəlxalq aləmə çıxaranda bir daha düşünün ki bu addımınız sonda kimə ve necə fayda verəcək. yox əgər bunları bilirsinizsə sadəcə höküməti söyüb xaricdən pul almaqla dolanırsınızsa vəya siyasi sığınacağa göz dikmisinizsə onda sizə sözüm yoxdur, arzum budur ki getmək istədiyiniz yerə tez gedəsiniz və bu fəaliyyətinizə ehtiyacınız qalmasın. " son
not: qardaş bu kommenti ilə çoxumuzun hissiyatını ifadə edib.
dəyərli şairimiz demişkən
ey çərxi-fələk,bir belə dövranına bir qoz,
şeytan oturan çərxi dəyirmanına bir qoz.
sitat 2 ; steinar gil: iqtidar da, müxalifət də dəyişməlidir
not 2 : məncə, xalqımız özü özünü dəyişməlidir, ciddi təhsil almalı, özünə uyğun sağlam əqidə seçməli, sonra bütün bunlar ardıcıl olaraq dəyişəcək. bunu etməli edə biləcək potensiallı insanlarımız isə əksərən güc, hakimiyyət və siyasət həvəsindədirlər, gerçək mənada və səmimi haqpərəst, ədalətli, xalqçı tanıyan varsa desin, biz də bilək
Hazırki müxalifət lideri hakimiyyətə gəlsə; bizdə daxili istehsalat güclənəcək? Ölkənin idxaldan asılılığı azalacaq? Gömrük rüsumlarına nəzarət ediləcək? ümumiyyətlə korrupsiya halları minimuma endiriləcək? iş saatlarına nəzarət ediləcək? işçilərin istismarına son qoyulacaq? Minimum əmək haqqı və yaşayış minimumu, pensiyalar, sosial yardımlar və s. artırılacaq? Uşaqpulu veriləcək? inflyasiya minimuma endiriləcək? Millət probeqi yarım milyonu keçmiş "çeşka", "yeşka", "dördgöz"lərdən, sovetin tör-töküntülərindən xilas olacaq? Ən köhnə avtomobilin 10 yaşı olacaq? Ölkə iqtisadiyyatının böyük bir hissəsinin neft sektorundan asılı olmaması üçün qeyri-neft sektorunun inkişafı üçün islahatlar aparılacaq? Məmur özbaşınalığına, polis vəhşiliyinə son qoyulacaq? Təhsil, səhiyyə sahəsinin inkişafı üçün addımlar atılacaq?
Və s.
Və s.
Və s.
Bunlar olacaq? Hörmətli "x" müəllim, artıq dövlət başçısınız, yeniliklər gözləyirik, ölkəmiz çiçəklənəcək, bizi qısqanacaqlar!
Prezident:
üzv ol