+14 əjdaha
1. sir arthur conan doyleın 1891-ci ildə yazdığı the adventure of the final problem əsərində baş verən hadisə. hekayənin sonunda sherlock holmes professor moriarty ilə birlikdə uçurumun kənarından düşürlər və ikisi də ölür. conan doyleın oğlunun dediyinə görə atası hekayənin sonunda "nəhayət ki, səni öldürdüm" deyə qışqırıbmış.conan doyle özü avtobioqrafik əlyazmalarında yazırdı: "sherlocku öldürmək necə əvvəllər ağlıma gəlməyib? indi özümü türmədən azadlığa çıxan məhkum kimi hiss edirəm. artıq istədiyim şeyi edə bilərəm!". elə də olur. yazıçı 8 il səyahətlər edir, fərqli janrlarda romanlar yazır və özünü ciddi əsərlərin yazarı kimi tanıtmağa çalışır. lakin, oxuyucular sherlock holmesu unutmur, yazıçıya nifrət məktubları göndərib, sherlocku diriltməyi tələb edirdilər. deyilənə görə hətta kraliça victoria belə conan doylea eyni istəklə gizli məktub göndərir. conan doyle bir müddət dirənir. lakin yeni əsərlərin uğur qazanmaması və nəticədə yaranan pulsuzluq yazarı yenidən sherlock holmesa dönməyə məcbur edir. 1903-ci ildə yazılan the adventure of the empty house hekayəsində sherlock holmes "dirilir".