+9 əjdaha
1. 1995-ci ilin mart ayında istanbulun qaziosmanpaşa (indiki adıyla sultanqazi) rayonuna bağlı qazi məhəlləsində baş verən və 5 gün davam edən hadisələrdir.12 mart 1995-ci il axşam radələrində ələvilərin kompakt yaşadığı qazi məhəlləsində 4 çayxana və 1 şirniyyat mağazası gülləbaran edildi. nəticədə xəlil qara adlı biri həlak olmuş, 25 nəfər isə yaralanmışdı. hücum edənlərin daha sonra taksi sürücüsünü də öldürdükləri xəbəri gəlmişdi.
hadisədən sonra məhəllə sakinləri yığışaraq polislərin hadisəyə biganə qaldıqlarını etiraz etmək məqsədi ilə polis bölməsinə doğru irəlilədilər. polisin atəş açması nəticəsində bir nəfər də həlak oldu.
martın 13-də istanbulun müxtəlif bölgələrindən 15000 nəfər həmin məhəlləyə yığışdı. polislə vətəndaşlar arasındakı atışma nəticəsində 15 nəfər də ölmüşdü, bir çoxu isə yaralanmışdı. həmin gün zibeydə xanım və əsəntəpə məhəllələrində də fövqəladə vəziyyət elan olundu.
ertəsi gün cem evinin qarşısında yığışan bir qrup 4 maddəlik tələb irəli sürdülər:
1) cəsədlərin verilməsi
2) fövqəladə vəziyyətin ləğv olunması
3) saxlanılan şəxslərin azad olunması
4) əsgərlərin və polislərin bölgədən çıxması
lakin bu tələblər yerinə yetirilmədi və həmin günü daha 15 nəfər də həlak oldu.
martın 14-də isə ankara qızılay meydanında qazi məhəlləsinə dəstək vaxtı baş verən hadisələrdə 36 nəfər yaralandı.
martın 15-də ümraniyə məhəlləsində də etirazlar oldu. həmin etirazlarda 4 nəfər öldü. mustafa kamal məhəlləsində də baş verən hadisələrdə 5 nəfərin ölməsi və 20-dən artıq insanın yaralanmasına görə həmin məhəllədə də fövqəladə vəziyyət elan olundu.
martın 16-da istanbul qubernatoru xəyri qozaqçıoğlu fövqəladə vəziyyətin ləğv olunduğu xəbərini verdi.
məmməd əli birandın "son çevriliş: 28 fevral" sənədli filmində də bu hadisələrə yer ayırılıb.
(youtube: 
)
)