+3 əjdaha
1. 1950-ci ildə damarlarını kəsərək intihar edən azərbaycan filosofu.1908-ci il aprelin 3-də irəvanda doğulub. altı uşaqlı ailənin sonbeşiyi olan heydərin doğulmasından qısa zaman sonra ailə başçısı vəfat edir, ailə qohumlarının himayəsinə sığınır. bu həmin dövr idi ki, erməni-türk davası kiçik aralıqlarla davam edir, hər iki tərəf itkilərə məruz qalırdı. 1918-ci ildə ailənin böyük oğlu yusif daşnaklar tərəfindən öldürülüb.
1927-1931-ci illərdə o, adu-nun ictimai elmlər fakültəsinin qiyabi şöbəsində oxuyur, 1931-32-ci illərdə azərbaycan elmi tədqiqat institutunda aspirant olur. 1936-cı ildə azərbaycan sovet ensiklopediyasının hazırlanmasında iştirak edir, 1940-cı ildə isə baş redaksiyaya rəhbərlik edir.
1939-cu ildə tiflis şəhərində “m.f.axundovun fəlsəfi görüşləri” adlı dissertasiyasını müdafiə edərək fəlsəfə elmləri namizədi alimlik dərəcəsi alır, 1944-cü ildə doktorluq dissertasiyasını müdafiə edərək professor elmi dərəcəsini qazanır.
1936-40-cı illərdə ssri elmlər akademiyası azərbaycan filialının ensiklopediya və lüğətlər institutunun direktoru, 1939-45-ci illərdə isə ssri elmlər akademiyası azərbaycan filialının sədr müavini, ardınca amea-nın vitse-prezidenti olub. eyni zamanda 1945-ci ildə azərbaycan kp mk yanında partiya tarixi institutunun direktoru vəzifəsinə təyin edilir. həmçinin amea-nın fəlsəfə institutunun, adu-nun fəlsəfə kafedrasının yaradıcısı olub.
"şeyx şamil və müridizm" kitabına görə sıxışdırılır və 1950-ci ildə intihar edir...