+4 əjdaha
1. ürəyin dörd kamerasından yuxarıdakı ikisinin, yəni qulaqcıqların arasındakı "divar"-ın (septumun) tam bağlanmaması.kongenital (anadangəlmə) ürək qüsurudur. statistikaya görə ürək qüsuru ilə dünyaya gələn uşaqların 10%-ində problem məhz bu patologiyadır. əsasən 2-20 yaş arasında xəstəlik inkişaf edir və özünü biruzə verməyə başlayır. xəstəliyin beş forması vardır:
1.sinus venosus defekt
2.ostium primum defekt
3.ostium sekundum defekt
4.oval persistəedici forma
5.lütembaxer sindromu
bu xəstəlik zamanı söhbət qulaqcıqlar arasındakı divarda olan dəlikdən gedir. bu dəlik isə sol qulaqcıqda olan arterial (təmiz) qanla sağ qulaqcıqdakı venoz (çirkli) qanın birbirinə qarışmasına səbəb ola bilər. dəliyin ölçüsündən asılı olaraq isə xəstəliyin kliniki təzahürləri formalaşır, belə ki kiçik ölçülərdə xəstədə heç bir şikayət olmaya bilər. lakin sonrakı mərhələlərdə xəstədə ürək ritmi pozğunluqları, ürək çatışmazlığı, dəridə solğunluq, periferik sianoz və s. formalaşa bilər.
xəstəliyin diaqnozu auskultasiya, elektrokardioqramma, exokardioqrafiya, transezofaqeal exokardioqrafiya ilə qoyula bilər. septumdakı dəliyin lokalizasiyasını dəqiqləşdirmək üçün isə mrt və ürək kateterindən istifadə etmək lazımdır.
xəstəliyin müalicəsi xəstəyə və xəstəliyin formasından asılı olaraq individual olaraq aparılır. bayaqkı sözü gedən yüngül xəstələrdə konservativ o cümlədən simptomatik müalicələrin yerinə yetirməsi şərtilə septal defekt əməliyyatsız qapana bilər. lakin daha ağır variantlarda xəstəlik əməliyyata göstəriş sayılır. əməliyyat zamanı "amplatzer® septal occluder" adlanan bir implantdan istifadə edilir.