bugün məsləhət təsadüfi
sözaltı sözlük
postlar Yoxlama mesaj

...

ölüm

| sağlamlıq
129,903 | 157 | 583

əjdahalar  googlla
xanədan -

xanədan

sözaltı günlük - yazarların paylaşmaq istədikləri şeirlər - sözaltı etiraf - intihar - snuff - sözaltı sözlük - sözlük yazarlarının qorxuları - yazarların hazırda düşündükləri - ata
« / 11 »


    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    81. Illərdi arzuladığım ama yıxılıb ölərəm deyə ağaca çıxmağa qorxduğum bir şeydi

    1 əjdaha!

    02.06.2022 16:58, Aru
    82. insan öz ölümünə heç vaxt tam şahid olmur. buna görə bizə ən çox dəhşətli gələn həm də yaxın kiminsə ölümüdür. əsas da yersiz ya ədalətsiz ölüm. gladiator filmində maximusun oğlu və həyat yoldaşını romalıların öldürməsi kimi. ya spartakusun sevgilisini itirməsi.
    ya Krzysztof Kieślowskinin Three Colors: Blue filmində julie-nin oğul və ərini qəzada itirməsi kimi.
    maraqlısı da kənardan müşahidə edərkən bu qədər böyük bir itkidən sonra insanın necə sağ ya ağlı başında qala bilməsidir. nə olursan olsun insan yaşamaq üçün səbəb tapır. ən yaxın insanların yerli ya yersiz, adi ya dəhşətli ölümündən sonra belə bəlkə də onların xatirəsini ayaqda saxlamaq üçün insan yaşayır. çünki əks təqdirdə, intihar etsə, bu dünyada sahib olmuş olduğu o ailə ya əlaqədən geriyə heçnə qalmayacaq.
    sevgili, ailə ya uşaqlarının ölümündən sonra fərd yaşayaraq, onları yaşatmış olur. onların yeganə mövcud olduğu yeri, yaddaşını qorumuş olur. hence the nostalgia.
    zamanda səyahət əslində mümkündür, sadəcə mental olaraq, fiziki olaraq yox.
    kölə olaraq romalılara satılan spartakusun sevgilisin xatirəsi onunla birlikdə qalaraq onu tarixin ən böyük gladiyator və azadlıq üsyançılarından biri edir. sura ölməmişdi.

    1 əjdaha!

    27.08.2022 05:54, odysseyus
    83. çox yaxınlarda cərəyan edir xəbəriniz olmadan. iki gün əvvəl hər gün aşırı eyni barlara getdiyimiz uşaqlardan biri overdose səbəbilə həyatını itirdi. keçən həftə görəndə çox sakit idi. bir dostum yaxşısanmı deyə soruşdu "belə də" dediyi yadımdadı. ondan sonra bütün həftə ağlımdaydı niyəsə, daha əvvəl çox danışmamışdıq ama çox yaxşı birinə oxşayırdı, növbəti dəfə görəndə daha çox hal əhval etməyi fikirləşirdim ki səhər oyandıq ki artıq yoxdur. yirmili yaşlarda.
    dünən də başqa bir yaxın dostumuzun ailəsi hamıya mesaj yazırdı ki A. yeni ildən sonra evə getməyib hələ də, zəng çatmır. axtarıb tapa bilmədik. bütün gecə ağlımdaydı. ən son A-nı görəndə içkili maşın sürürdü və diqqətsiz idi, bəzi adamlar normal sürə bilir bəziləri yox. məni başqa yerdə düşürüb gedirdi gecə 3-də, o formada tək buraxdığım üçün özümü pis hiss edirdim.
    səhər oyandım ki gedib evlərinə, başqa yerdə qalıbmış sadəcə.
    ölümün sizi ya ətrafınızdakıları necə harda tutacağını bilmirsiniz, yaxınlarınızı qoruyun.

    11 əjdaha!

    02.01.2023 22:33, odysseyus
    84. Demək olarki hər gecə düşündüyüm əbədi olaraq yox olub getmək şəkli.

    3 əjdaha!

    02.01.2023 23:10, adsızinsan
    85. sadəcə başlanğıcdır.

    0 əjdaha!

    02.01.2023 23:49, oyudakıbossunyanındagələnüçnpcdənbiri
    86. Ölüm qorxusu bəzən yaşanmamış həyatın göstərgəsi di.

    8 əjdaha!

    04.01.2023 18:32, Kessinger
    87. Mənə görə ölüm son deyil. Həmişə ölüm və ondan sonra olanlar mənə maraqlı gəlib. Bütün orqanların fəaliyyətini dayandırır. Gözünü bağladın. Artıq ailə üzvlərin, dost tanışların, iş yoldaşların, pişiyin, itin və s. heç biri yoxdur. Səhər tezdən dərsə yaxud işə getmək üçün oyanmaq, sosial şəbəkələrə girmək, paylaşım etmək, playstation oynamaq, dadlı yeməklər yeyib içkilər içmək və s. bunlar da yoxdur. Bəs nə olacaq? Necə olacaq? Nə edəcəyik? Ölümdən sonranın necə olduğunu elm əbədiyyətə qədər tapa bilməyəcək. Çünki heç kim o birsi tərəfə gedib təzdən gəlməyib. Zatən dirilən insan da tibbi nöqteyi nəzərdən ölmüş sayılmır. Əgər yenidən həyata qayıdırsa, mütləq bioloji açıqlaması vardır. Qeyd etdiyim kimi, bu dünyada hər gün etdiklərimiz öldükdən sonra olmayacaq və bizim 50-100 il yaşamağımız boşuna deyil deyə düşünürəm. Heç nəyin olmayacağı, əbədi qaranlıq da məntiqli gəlmir.

    4 əjdaha!

    04.01.2023 22:18, xanədan
    88. Həyatdakı fəaliyyətimiz əsnasında, ən sonda dadına baxacağımız şey.

    6 əjdaha!

    05.01.2023 02:08, Lionxan
    89. Ölümün nə demək olduğunu ilk dəfə birinci sinifdə oxuyarkən anlamışdım.Sinif rəhbərimiz həyat bilgisi dərsində insan həyatı haqqında danışırdı - insan körpə olaraq doğulur, sonra böyüyür yetkin insana çevrilir , qocalır və ölür.Ölüm söhbətinə kimi hər şey okeydi amma ölümün izahından sonra balaca Atamanın göz yaşları sel olub axmağa başladı.ilk öncə utanıb gizlin-gizlin ağlayırdım ki heç kəs görməsin.Yanımda əyləşən qız müəlliməyə ağlamağımı xəbər eliyəndən sonra daha güclü ağlamağa başlamışdım çünki daha iş işdən keçmişdi.Müəllimə nəvazişlə qucağına alıb ölümün çox normal bir şey olmasının, bir gün hər kəsin ölüb cənnətdə yığışmasını danışandan sonra sakitləşdim.illər sonra ( 12-13 yaşlarımda) ölüm qorxusu məni depressiyaya saldı.Həftələrnən otağımdan çıxmaq istəmədim.Gün boyu uzanıb yalnız ölüm haqda fikirləşirdim.Yaxşı yadımdadı depressiya günlərimin birində nənəmlə danışarkən bir gün nənəmin də bu həyatda olmayacağını fikirləşəndə məni ağlamaq tutdu.Mən bu dövrü həm də həyatımda dönüş nöqtəsi sayıram.Ölümlə bağlı suallarımın cavabını tapmaq üçün əlimə nə kitab gəldi oxuyurdum və sual vermək, araşdırmaq, sorğulamaq kimi bacarıqlar əldə etmişdim.Bu isə öz yerində illər boyu istər yaşıdlarımın yanında istərsə də böyüklərin yanında məni “çox bilmiş” etdi.Nəysə indi isə ölüm mənim üçün sadəcə adi bir həyat hadisəsidir doğulmaq, böyümək və qocalmaq kimi.Gec olmadan həyatınızı sorğulayın, gözəl insanlar, niyə yaşadığınızı, kim olduğunuzu, getdiyiniz yolun sizi hara aparacağı haqda fikirləşin.

    7 əjdaha!

    05.01.2023 12:55, ataman
    90. Biraz öncə çatmaq üzrə olduğum level idi. Duşda ikən dəm qazından zəhərləndim. Və evdəkilərin qışqırığına oyandığımı xatırlayıram. Qəribə idi əslində. Mən heç nə edə bilmirəm, reaksiya verə bilmirəm, anam isə başımın üstündə qışqır bağır salıb. Hər kəsin təlaş içində bağırtılarını eşidirdim ama tək mimika oynada bilmirdim. ilk reaksiya ağlamaq oldu. Səbəbsizcə ağlama başladığımı xatırlayıram. Nə üçün idi bu? Ölümlə üz üzə gəldiyim üçün? həyatdan canımı qurtara bilmədiyim üçün peşmanlıq? ikinci versiya düzgün olmazdı məncə. Çünki planlamamışdım bu səfər. Oyandıqda isə ayaqlarımı hərəkət etdirə bilmirdim.
    Mamanın şok vəziyyətindən çıxandan sonra mənə danışdığı belə oldu:
    "Nə yaxşı kuxna tərəfə keçdim, yoxsa yıxılan moment tappıltını da eşitmiyəcəkdim. Allah göstərməsin gec gəlsəm nələr olardı, allah uzağ eləsin gedirdin uje, * öz özünə şok içində mırıldanmağa davam etdi sonra "

    Not: vəziyyət get gedə yaxşılaşır, hər şey yolunda. Bunu öyrəndik ki, ölümdən qayıtmaq başını divarlara vurmağı istəyəcək qədər başağrısı verir.

    21 əjdaha!

    06.01.2023 22:04, vincentcatgogh
« / 11 »



üzv ol
Modalı bağla





əlaqəli xəbər bütün xəbərlər →
tech ‘Mən anamı yaratdım və ona danışırım’: AI qorxuları və ölümlərin dəyişdirdiyi yas prosesi world Huti rəsmisi bildirir ki, Səudiyyə hava hücumları 3 nəfərin ölümünə səbəb olub, və digər Yaxın Şərq inkişafları azerbaijan BMT, Qəzza ölüm sayının artması ilə tədqiqatçılara tam giriş imkanı verilməsini tələb edir finance Tez, Qəzəbli və Potensial Olaraq Ölümcül: Nəyə Görə Superkarlar Birdən Belə Məşhur Oldu?

...