narsisizm

| 4 | 24

əjdahalar googlla

narsizm - sosial fobiya - real madrid cf - orta statistik azərbaycanlı - eqosentrizm - the heart of man: it's genius for good and evil - yazarların ruh halı - kaliforniya sindromu - narsisistik şəxsiyyət pozuntusu - empatiya

💛

Yalnız deyilsən!

Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

Sözlük yazarları olaraq səni hər zaman dinləyə bilərik.

Əgər yalnız hiss edirsənsə, qaynar xəttə zəng et:

☎ 860

1. şəxsin özünün özünə pərəstiş etməsi, öz-özünə heyran olması, özünü sevməsi.

4 əjdaha!

03.03.2016 16:07, fövqəl insan

#201997

2. belə deyək də, ilk olaraq özümə olan pis təsirlərindən danışım. ilk olaraq özümü sevə bilmirəm, bəyənə bilmirəm, daim bir təsdiqlənmək, qəbul edilmək, tərif eşitmək, bəyənilmək istəyi var içimdə, mütləq kimsə təsdiqləməlidi dediklərimi, etdiklərimi. bugünə kimi özüm istəyirəm deyə heçnə etməmişəm demək olar. universitetə girməyim belə ailəm istəyir deyə olub, bir işə başlamaq istəyirəm, onun içində məşhur ola bilmə potensialımı dəyərləndirirəm ilk öncə. buna görə doğurdan mənim nəyə ehtiyacım var, nə etmək istəyirəm bu həyatda heç bilmirəm. sonra belə deyək insanlarla əlaqələrim. ətrafda gördüyüm hər insana qarşı bir önyargı, bir qınama, bir nifrət, bir paxıllıq var. tanımadığım birinə heyran da ola bilirəm, nifrət də edə bilirəm. insanları sevə bilmirəm, onların nələr danışdıqları, nələr hiss etdikləri, nələr istədikləri vecimə deyil, mühim olan mənəm, mənim istədiklərimin olmağıdı, sevə bilmirəm, bundan böyük nə olsun axı. bu hissi dada bilmirəm, daim çıxarımı fikirləşirəm insanlarla əlaqədə. insanları özümdən aşağı görürəm. daim tanrı olmaq iddialarım var. bir şeyə nail olmuş birinin, xaricə getmiş birinin, pulu olan birinin, bir uğur əldə etmiş birinin, hətta dostumun belə uğuruna sevinmirəm, onun yox mənim bunlara laiq olduğumu düşünürəm. sonra bidə zad var insanlarla əlaqəyə girə bilməmə. sevə bilmirəm dedim bayaq xoşuma gələn bir qız da olsa mən ona qarşı ilk addım atmaram. əgər mən həmin addımı atsam onu məcbur edirəm deyə düşünəcəm, və bu mənim yüksək mənliyimi zədələyəcək. artıq tanrı mən olmayacam. lap xoşuma gələn biri olmasın, bir arkadaş ortamındayam deyək, özümü çəkib qırağa qoyacam, sırf heçkəslə danışmaq istəmirmiş kimi bir izlənim yaranacaq qıraqdan, halbuki içdən içə onların mənlə gəlib ünsiyət qurmaqlarını istəyirəm, ama mən onlardan üstünəm deyə onlarla ilk mən danışa bilmərəm. bir də təbii ki, bitib tükənməyən məşhur olmaq istəyim var, sadəcə insanlar məni tanısın, qəbul etsinlər deyə olan bir hissdi bəlkə də bu.

17 əjdaha!

14.03.2016 00:12, nahad

#203556

3. narsisizm özünü sevməkdən daha artığıdır. özünün və onun surətinin arasında sabit münasibətdir. tanınma istəyi, kontrol manyaklığı və kimliyə takıntılar qırılğan kimliyi örtən maskalardır. narsisizmdən çox qorxuram və ətrafdakı insanlarda bunun çoxluğu narahat edir. özümdə olmasından da şübhələnirəm və özümü düzəltməyə çalışıram, amma bu individual subyektivliklə olan şey deyil. neoliberal nizam fərdi özü-özü ilə tək buraxır: fərd özünü cəmiyyətdən ayrı görür, özünü yetişdirməyə çalışır və ya fərqlənməyə çalışır. lakin fərd cəmiyyət içində müstəqil vahid deyildir, cəmiyyətin məhsuludur. bəşəriyyət ilk olaraq cəmiyyətlə var olub və fərd anlayışı daha sonra yaranıb. yaşadığımız dövrdə də bərbad sosial şəraitin ucbatından nevrotik "fərd"lər yetişib, içi mən daxil olmaqla. ontolojik boşluqlarımızı doldurmaq üçün biz narsistlər görünürlük axtarırıq və ekrandan görünmək və təsdiqlənmək istəyirik. əjdahalanmaq və umbaylanmaq var olduğumuzu bizə siqnallayır, çünki realda heç də yazdıqlarımız kimi deyilik; şəkillərin, kimliklərin və estetikaların arxasında gizlənmişik. narsistlər olaraq sərt kimliklərimizi yıxıb çölə açıq, mexaniki və axışqan olmalıyıq. yazarların yazılarından tutmuş oğlan anaları və itə tökdü influenserlərin postlarına qədər hamıda narsisizm işartısı görürəm və insanlığa ümidim itir. insanlıq bu territorial tələdən xilas olmalıdır

1 əjdaha!

02.08.2025 21:05, molecularviolence

#391906

üzv ol

Modalı bağla