+17 əjdaha
1. öncədən onu deyim ki, ciddi şəkildə proqramlaşdırmaya başlamaq istəyirsinizsə, əvvəlcə ingilis dilini öyrənin. azərbaycan və türk dillərində material azlığından şikayət etməyin, çünki onsuz da bu işi yalnız ingilis dilində daha yaxşı öyrənmək və anlamaq olur. android proqramlaşdırmaya başlamazdan əvvəl java (javascript ilə qarışdırmayın, tamamilə fərqli şeylərdir) proqramlaşdırma dilini (ümumiyyətlə obyekt yönümlü proqramlaşdırma) bilmək lazımdır. bunun başqa yolu yoxdur, mütləq java bilməlisiniz. biraz da xml biliyiniz olsa daha yaxşı olar, amma java kimi qabaqcadan xml bilməyiniz vacib deyil, ilk tətbiqetmənizi yazdıqca öyrənəssiniz. bir müddət javada console application yazın. birdən-birə android studio-a girişməyin. aşağıdakı saytların hamısı ingilis dilindədir və bəziləri yalnızca android haqqında deyil.1) vogella.com
- tək android deyil, həm də java öyrənmək üçün başlanğıc və üst səviyyə dərslərin olduğu sayt.2) javacodegeeks.com
- yeni başlayanlar üçün əla bir sayt. dərslər köhnə olsa da, işə yarayır. az da olsa android oyun hazırlama dərsləri də var.3) learnerstv.com
- bu saytda tək proqramlaşdırma deyil, demək olar hər bir şey haqqında video dərslik tapmaq olar (məs.: biologiya, fizika, riyaziyyat, mühəndislik, menecment və s.). videoları yükləmək də olur.4) androidhive.info
- hindistanlı developer ravi tamada tərəfindən yaradılmış, maraqlı dərslər olan android proqramlaşdırmaya aid başqa bir sayt.5) " target="_blank" class="sonses" rel="nofollow">https://www.eduonix.com) - əla və asan başa düşüləcək şəkildə izah olunmuş, tək android deyil, proqramlaşdırma ilə bağlı başqa dərslərin də olduğu bir sayt. dərslərin başlanğıc səviyyənin biraz üstündə olduğunu deyə bilərəm.
6) Android Official
- özümün də çox az hallarda istifadə etdiyim, rəsmi təlimçilərin uzun və çətin anlaşılan yazılarının olduğu android developer saytı. qısası, çox da məsləhətli deyil.7) stackoverflow
- android proqramlaşdırmadan danışdıqda stackoverflow.com saytını yazmamaq qəbahət olar. proqramlaşdırma ilə bağlı qarşılaşdığınız bütün problemlərin və sualların cavabı buradadır. 8) treehouse
- aylığı 25$ olan, pullu olmasına baxmayaraq android, java, ios, c#, phyton, ruby, php, və s. haqqında çox gözəl video dərslərin və tapşırıqların olduğu möhtəşəm bir sayt. mənə görə bu saytların arasında ən məsləhətlisi elə budur.unutmayın, heç kəs birdən-birə proqramçı olmayıb. proqramlaşdırmanı, əsasən də androidi öyrənmək çox vaxt tələb edir. gündə ən az 4-5 saatınızı buna ayırmalı olacaqsınız. android həm də stabil deyil, tez-tez yenilənir. 1 il ərzində öyrəndiklərinizin müəyyən hissəsi ola bilsin bir gün içində lazımsız oldu. ona görə də çalışın hər gün praktika edin.