+11 əjdaha
1. əslən niderland sözü olub (bakkebaarden) qulaqla paralel, aşağıya doğru istiqamətlənmiş tüklərə verilən addır.dövrümüzdə bakenbardların formasına çox əhəmiyyət verilməsə də, bir zamanlar kişilərin cazibədar görünməsinə səbəb olan əsas amillərdən olmuşdur.
bakenbardların tarixi 100 illər əvvələ gedib çıxır. hələ 18-ci əsrin sonlarında uzun bakenbardlar əsgərlər arasında populyar olmağa başlamışdı. 19-cu əsrdə isə artıq incəsənət və elm adamlarının da uzun bakenbardlar saxladığını görə bilərik. məsələn:
charles darwin (1854)
aleksandr puşkin (1827)
19-cu əsrin sonlarına kimi dəbdə olan bakenbardlar, 20-ci əsrin 50-ci illərinə kimi öz durğunluq dövrünü yaşamışdır.
1953-cü ildə marlon brando "the wild one" filmindəki görünüşü ilə "normadan" uzun bakenbardları yenidən dəb halına gətirir. ilk baxışdan bu bakenbardlar bizə çox uzun görünməyə bilər. lakin, öncəki illərin saç düzümlərinə fikir versək, standart bakenbardların çox qısa olduğunu görə bilərik. məhz bu filmdən sonra bu cür uzunluqdakı bakenbardlar rockabilly və rock n roll dinləyiciləri arasında dəbə çevrilir.
həmin o filmdə marlon brando:
1960-cı illərin ikinci yarısında kişi azadlığının və itatətsizliyinin simvolu olaraq bakenbardlar yenidən qayıdış edir. hippilərin canlandırdığı bu dəb, qısa müddətdə bütün dünyaya, o cümlədən də azərbaycana yayılır və 70-ci illərin sonuna kimi davam edir. 80-ci illərdən günümüzə kimi isə, təəssüf ki, insanlar qısa bakenbardlarda ilişib qalıblar.
Ümumiyyətlə, uzun bakenbardların yenidən dəb halına gəlməsini çox istəyirəm. bu günə kimi özümü çıxmaq şərtilə, yalnız 2-3 nəfər uzun bakenbardları olan adam görmüşəm azərbaycanda. onları görəndə də çox sevinirəm. çünki, onlar dəblə getmək axınından qurtulmağı bacarırlar. nəysə, çox uzatmayım söhbəti. bir neçə şəkillə yazımızı bitirək.
məşhurların uzun bakenbard saxladığı dövrdəki şəkilləri:
john lennon (1967)
jim morrison (1967)
elvis presley (1969)
elvis presley (1970)
vaqif mustafazadə (70-ci illər)
fikrət əmirov (1980)