bugün məsləhət təsadüfi
sözaltı sözlük
postlar Yoxlama mesaj

...

keçmiş sevgiliyə demək istənilənlər

| anket
47,754 | 86 | 315

əjdahalar  googlla
sözaltı günlük - sözaltı etiraf - sözaltı sözlük - azərbaycana və ya azərbaycanlılara xas xüsusiyyətlər - ataya demək istənilənlər - erkin qədirlinin sözləri - acı uşaqlıq xatirələri - yalnızlıq - məhəmməd əmin rəsulzadə ensiklopediyası - keçən ayın ən bəyənilənləri
« / 5 »


    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    41. ən son sənə baş çəkməyə gəldiyimdə mənə demişdin "necə belə güclü qala bilmisən, necə möhtəşəm görünürsən". əslində sənin qarşına çıxanda bunu planlı şəkildə etmişdim, möhtəşəm görünməyə bilməzdim. heç vaxt xəbərin olmayacaq səni uzaqdan izlədiyim vaxtlar necə çarəsiz və bərbad görünmüşəm. həmin səkidə qaranlıqda dayanıb pəncərədən yansıyan əlini çənəvin altına qoyub fikirli oturmağına baxmışam. yanımda adam olanda həmin küçədən keçməməkdə israr edib amma səbəbini deyə bilmədiyimi, səni uzaqdan görəndə gizləndiyimi heç vaxt bilməyəcəksən. sənə yazırmış, səninlə danışırmış kimi günlüyümə yazmağa neçə dəfə cəhd etmişəm. gözlərinə baxıb danışmağı da cəhd etmişəm. həssas qəlbimin daşıya bilmədiyi şeylərdi bunlar və indi otaqda təkəm, sənin rəhmli olmağın üçün bir vaxtlar çox güvəndiyim allaha dua etdiyim yerdəyəm. eyni vaxtda səni və anamı itirdiyim üçün həmin vaxt mən də öldüm. çünki bunu daşıya bilməzdim. daşıya bilmədim. ardından rəfiqəmi də itirdim və bilirsən, mən sadiq insanam. mənim sevdiyim ətirlərin əvəzi yoxdu, nə də ürəkdən güldüyüm insanların. qəlbimi isidən qucaqlar qısa müddətdə yoxa çıxdı və sənin qarşına çıxanda əslində sənə təşəkkür etmək istədim. sən mənə yas saxlamağı öyrətdin. itirməyi, güvənməməyi, boşluq içində yuxuya gedib hüzünlə oyanmağı öyrətdin. dözməyi və arxayın olmamağı öyrətdin. sənə görə xətirlərinə dəydiyim insanların dəyərini öyrətdin. inanmırdın xarakterimin sehiri və lənəti olduğuna. xatirələrlə birlikdə yanıb kül olan yerin qarşı səkisində dayanan yenə mən idim. qaranlıqda küllər arasında gəzinən o ruh mən idim. içəridə ətrafa hopmuş sönmüş alovun ətri, küllər və tozlar, qaranlıqda belə gözə çarpan məhv olmuş əşyalar. bir vaxt bu kül olan yerdə mən sənin qapıdan içəri girməyini gözləyirdim. sən gözəl olanı dadmışdın, saflığın nə olduğunu hiss etmişdin və indi hər şey küllərdən ibarətdi. indi fəda etməyə hazırsan. böyük kainatda nəfəs aldığım vaxt ərzində sənə qarşı hiss etdiklərim təkrarlanmayacaq. anamı qucağımda, kürəyimdə gəzdirdiyimdə, məni tanıması üçün ümid etdiyimdə başa düşdüm ki sənin sağ salamat olmağın sənə olan sevgimdən daha üstün bir xoşbəxtlikdi. hər dəfə düşünürəm, səni nə zaman qəlbimdən tamamilə çıxartdım və bu dərəcədə yadlaşdım sənə qarşı. gözlərimi yumanda ağlıma pəncərədən aşağı baxanda anamın təcili yardım maşınına doğru apardıqları mənzərə düşür. aşağı düşməmişdim. yanında da getməmişdim. sənə də zəng etmək mümkün deyildi. evdə yalnız qaldım, məndən çıxan hönkürtü ilə sən də mənim gözlərimdən axdın getdin. sənə qarşı nə hiss etdiyimi bilən yeganə şəxsi son dəfə gördüyüm və səni sevgi ilə düşündüyüm sonuncu an oldu.
    həyatın ürəyincə deyil bilirəm. ətrafında normal adam qalmayıb. güvəndiyin insanlar səndən uzaqlaşıblar. yaşın artdıqca başa düşürsən keçici həvəsləri güvənə dəyişməyin yanlış olduğunu. çox istəyərəm ki heç vaxt tək qalmayasan. lənətimdən xilas ola bilməyin üçün əlimdən gələni edirəm. kinli qəlbim sənə nifrət hiss etmir. sənə qarşı tək damla sevgi hissi də yoxdu. hal-hazırda sevdiyim insanları xilas etmək üçün səni qurban verərdim. sən mənə cəhənnəm əzabına dözməyi öyrətdin amma ömrümün yerdə qalan illərində hər günümü şübhə edərək yaşamağıma səbəb oldun. hə, bir də mənim original kimliyimi öldürdün. kölgəm yaşayır. o da ara-sıra səninlə rastlaşır.

    19 əjdaha!

    10.09.2023 23:42, kinnitus
    42. o qədər narsist biri idin ki, dəfələrlə sonlandırdığımız halda dönüb özünü xatırlatdın. bilirdin ki, üstümdə təsirin var, sərt danışmağı bacarmıram. sözlərlə aran həmişə yaxşı olub. indi belə düşünürəm ki, kaş o vaxt sənə ikinci şansı verməzdim, elə o vaxt keçmişdə qalardın. doyumsuz egonu bəsləməyən kimi pis adam oluram. parazitlik etmək üçün çoxdan başqasını tapdığına əminəm, sən öz-özünü tək daşıyacaq xarakterdə deyilsən. bəlkə də, yanılıram, amma yaddaşımda məhz bu cür qaldın. sənə görə daha insanların səmimiyyətinə inanmıram. məni soyuq adlandırırdın, sevginə inanıb yavaş-yavaş da olsa, ürəyimi açmağa cəhd etmişdim. demirəm səhvsizəm, səhvim çoxdur, sənin də çox idi, bunları dəfələrlə danışmışıq. amma o dəfələrlə danışıqlarımızdan birində belə "qal" demədiyin üçün anladım çox şeyi. bilirəm ki, həyatda hər şey təcrübədir, sən də belə düşünürdün. oxşarlığımız çox idi deyə bu qədər çətin idi, amma həm də həmin oxşarlıqlar ucbatından bir-birimizi itələdik. yenə də, həyatından tam çıxmaq üçün əlimdən gələni etdiyim halda ordan-burdan çıxmağın sərhədlərimə hörmətsizlik idi (plus özün məndən qazanmadığın, hətta hər dəfəsində bir az daha itirdiyin hörməti gözləyirdin). ona görə də, yaxşı ki elə "keçmiş"sən. zaman öz işini həll edəcək.

    1 əjdaha!

    26.11.2025 12:32, pavlovun pişiyi
    43. kaş yadımda daha gözəl qalardın.

    1 əjdaha!

    15.12.2025 10:48, 7.7.0.0
    44. arada darıxıram səndən.nə səni unuda bilirəm nə kiməsə şans verirəm.səni gözləmirəm.qəbul etmişəm artıq olanları,səni.sadəcə unutmağa çalışıram.çox məşğul olanda çox yada düşmürsən.amma anidən gülürəm.sənlə biz çox bənzər idik amma heç vaxt da olmazdıq buna görə.çünki bir birini yaralayan insanlar olmaz məncə olmamalıdılar da.yaxşı ki hər şey bizim əlimizdə deyil.axı insan özü özünü bədbəxt edə bilər beləcə.yaxşı ki tanrı bəzi şeyləri əlimizdən alır.yaxşı kı sonunda biz müəyyən etmirik.yenə də yaxşı ki bizə seçim verilir.amma seçə bilənlərə.amma özümə sözüm var ki unudacam.yavaş yavaş təsirin azalır.yaxşı ki.sevinirəm ki bəzi insanlar bizlə gəlmir həmişə.sevinirəm.sevinirəm çünki qorxuludur bütün qərarı mənim verməyim.ki nə qədər güvənirəm bu qərarıma.mən görmürəm bir şeyi.amma tanrı görür görmədiyimi.bəlkə də görüb mən də görməzdən gəlirəm.amma narahat olma səni mənə xatırladan az şey var.sadəcə özüm yadıma salsam onda birtəhər.yenə də səndən əvvəl mən başqa idim.səni ilahiləşdirmirəm çünki məncə sən olmasan başqa biri olardi dəyişimim üçün.yenə də sən həyatımdan keçmisən.sən yenə də hamı kimi olmamısan mənim gözümdə.nə dəyərini azalda bilərəm nə artıra.insan gərək haqqı deyə.yenə də alınmadı.sən bir dost kimi yaxşısan.amma sən yaxşı sevgili olmadın.sən ata kimi qəşəng ata olarsan amma uşaqlarına.hər şey edərsən.səni bilirəm.bilirəm sən də məni.amma yaxşı ki bitdi.səni unudacam.nə olursa olsun.
    heç vaxt sevib dərdindən ölənləri anlamamışam.anlamayacam da.hər şeyin həddi var.nə qədər sevsək də ürək nə qədər eləsə də bir yerlərdə beyni araya salmaq lazımdır.kim ki deyir alınmır vallah qəşəng alınır.sadəcə insan icazə vermir buraxmağa.onu edəndə rahatlaşır.çünki məncə sevgi əsir etmir.sevgi seçimdir.dərdindən ölmək deyil.sevgi adı altında hər iş görülür.yalandan sevgi adı verilir sevirəm deyə.yox.bu sevgi deyil.bu psixoloji narahatlıq olar ya asılılıq olar.bilmirəm başqa nə olar.amma sevgi əzab verib səni dəyərsizləşdirən deyil.

    3 əjdaha!

    02.03.2026 06:54, 3:59daüzvolannihil
« / 5 »



üzv ol
Modalı bağla





...