1. dövrünün öndə gələn talış aydınlarından biri, şair, publisist, tərcüməçidir. 1898-ci ildə astaranın pensə (butəsə) kəndində anadan olmuşdur. hümmət partiyasının üzvü olmuşdur. sovet hakimiyyəti dövründə bir çox vəzifələrdə çalışmışdır. talış ədəbi dilinin formalaşmasında müstəsna xidmətləri olmuşdur. ilk dəfə olaraq latın qrafikası ilə talış əlifbasının tərtib edilməsi onun adı ilə bağlıdır. zülfüqar əhmədzadə bir çox əsərləri rus, türk və başqa dillərdən talış dilinə tərcümə etmişdir. 1935-1938-ci illərdə azərnəşrdə "azlıqda qalan xalqlar” şöbəsinin müdiri vəzifəsində çalışmışdır. talışca yayımlanan “sıə tolış” qəzetinin redaktoru olmuşdur. 1942-ci il iyunun 9-da həbs düşərgəsində ölmüşdür.