+8 əjdaha
1. bir sıra kapitalist ölkələrində amerikan lüteran keşişi f.buxmanın adı ilə adlandırılmış mürtəce dini-etik və siyasi cərəyandır.buxmanizmin tərəfdarları ənənəvi dini inkar edir və yeni insanların yaradılması şüarını irəli sürürlər.bütün sosial bəlaları və münaqişələri buxmançılar insan təbiətinin pozulmasının nəticəsi hesab edir dünyadakı şər hadisələr ilə mübarizənin vasitəsi kimi əxlaqi cəhətdən yenidən silahlanmanı,dörd absolyuta : düzlüyə,təmizliyə,fədakarlığa və məhəbbətə məcburi şəkildə əməl etməsini irəli sürürlər.buxmanizm hamılıqla əfv edilmə,sinfi sülh,əməyin kapitalla əməkdaşlığı ideyalarını təbliğ edir.buxmanizm sinfi mübarizəyə qarşı çıxır,sosial harmoniya elan edir ,buna görə kapitalist dövlətlərindən maliyyə və siyasi yardım alır.daimi ibadət yerləri olmayan buxmançılar öz baxışlarını radio,mətbuat,tv vasitəsiylə qızğın şəkildə təbliğ edir,zəhmətkeşlərə ideloji cəhətdən təsir göstərilməsinin bütün vasitələrdən istifadə edirlər.antikomunizmi təbliğ etmək,fəhlə hərəkatını parçalamaq,dini xurafatı möhkəmləndirmək üçün buxmanizm 1938-ci ildə əxlaqi cəhətdən yenidən silahlanma adlı təşkilat yaratmışdır.hazırda buxmanizm öz təsirini demək olar itirmişdir