goodbye my lover



əjdaha lazımdı   izlə   lələ   mən   googllalink

    1.
    (youtube: )

    Ən son səni bilirəm. Sən heç bir zaman cəsarətli olmayacan və biz heç bir zaman xoşbəxt olmayacayıq. Halbuki mən bunu hər şeydən çox istəyirəm..Demişdi. Bu sözlərindən sonra hardasa altı ay keçib. O, ilk sevgilim idi. (bax: James Blunt)'ın You're beautiful mahnısı bizim idi. Hansı ki, hər kəsin bir sevgi mahnısı olur. Bu isə mənim mahnımdır. Sığınıb təsəlli tapdığım. Bir neçə gün əvvəl Nick Cave ilə James Blunt konserti haqqında qalmışdım. Bilmədim kim üçün bilet alım. Bir tərəfdə dərin izləri olmuş James Blunt bir tərəfdə isə Nick Cave..

    Hazırlıq vaxtları idi. Riyaziyyat hazırlığında görmüşdüm. Amma rus bölməsi mənsə az bölməsi idim. Dərslərimiz fərqli idi. Müəllimədən danışıb mən rus dilində də dərslərdə iştirak edərəm demişdim. O, isə ay səni hallogen , təki sən dərslərə gəl nə vaxt gəlirsən gəl. iki ay dərslərə getdim və rus dilində keçdim. Heçnə anlamırdım amma heç vecimə deyildi. iqtisadiyyatda indifference curves keçmisiniz. Keçməsinizsə qısa keçəcəm : Fərz edin kinoteatr'a sevgililər gedir. Qız soruşur hansına baxaq ? Oğlan mənim üçün fərqi yoxdur sən nəyi seçirsən seç deyir. Çünki oğlanın istədiyi bəllidir. Qızda istədiyini seçir və ikisi də xoşbəxt olur. Bizim münasibətdə bu idi. Mən xoşbəxt idim. O isə mənə heç diqqət eləmirdi. Sanki müəllimə hisslərimi anlamışdı və hərdən biləcəyim sualları verirdi. Mən isə inteqral və ehtimalları çox yaxşı bildiyim üçün asanlıqla həll edirdim. Son gün gəldi və hamımız ayrıldıq. Artıq hər şey bitmişdi. Ondan mənə qalan sadəcə sifəti və gülüşləri qalmışdı.

    Nə qədər təsadüflərə inanırsız bilmirəm. Amma universitetə qeydiyyat üçün getmişdim. Bəxtsizlikdən papa ödəniş pulunu götürməmişdi geri qayıdıb pulu götürüb yenidən qayıtmışdım. Növbəsiz keçdiyim üçün birdən tanış səs gəldi. Çöndüyümdə qarşımda idi. Danışdıq, bir-birimizi təbrik etdik. Məndən çox toplamışdı.

    Ayrıldıq amma yenidən ya nömrəsini ya da əlaqə bir şeylərini almamışdım. Sadəcə adını bilirdim. Axşam gördüm facebook'da məni add edib. Familyamı çətinliklə də olsa müəllimə vasitəsilə oxuduğum liseydən tapmışdı. Hər gün danışırdıq. Gecə-gündüz... O gün gəlmişdi..Etiraf bölümü çatmışdı. Hər şeyi etiraf elədim. Cavabında isə : "sən bilməli idin ki, sənə otval verməyəcəm.." Gecə saat 4-5 civarları gözümdən yuxu tökülən momenti "Hə" və "yox" gözlədiyim moment bu cümləni oxuyub anlaya bilməmişdim.. iki-üç gün yazmamışdım. Ona da qəribə gəlmişdi ki, bu dəlidi ? gicdi ? Sonra ikimizə də söhbəti yanlış anlamağım məlum olmuşdu. Gic kimi gülürdük.

    ilk görüşümüzdə skameykanın bir tərəfində mən digər ucunda o oturmuşdu. Utanırdıq. Əlindən belə tutanmırdım. O mənim dəstəkçim idi. Rus dilini yönlü bilmədiyim üçün anası gəl sənə rus dili öyrədim deyirdi. Qızımı rahat görərsən deyirdi. Utanırdım ki, atası tutar söhbəti -* Bu gün bizim hazırlıqda, universitetdə ilk görüşümüz, sevgimizin ilk ayı deyə-deyə hər gün görüşürdük. Universitetim əvəzi onun universitetinə gedirdim. Çox problemli biri olmadığım və yola gedən biri olduğum üçün müəllimələr də güzəşt edirdi mənə.

    Bir gün..Çox pis dava elədik. ilk dəfə idi. Mənə güvənmirdi.. Mənimlə paralel başqası ilə danışırsan deyirdi. Çox pis qışqırırdı. Qışqırmırdı hıçqırırdı. Ağlamağı əsəbinə çevrilmişdi. istifadə etdiyim hər şeyi ona verdim. istədiyində qaytararsan dedim və tərk elədim. Sonra səhv olduğunu anladı amma üzr istəyən mən oldum. Bu hadisələr monton hal almağa başladı.. Və ayrıldıq.

    Bir daha barışmarıq düşüncəsilə çay içərkən mənə yazdı , danışdıq , bir-birimiz üçün darıxmışdıq. Görüşdük və hər şey yenidən başladı. Amma ürəyimin dərinliklərində haqsızlığa uğramağım məni üzürdü. Mənə çox bağlanmışdı. Artıq sən mənim hər şeyimsən dediyi anlarda ayrıldım. Heçnə olmadan. Heç bir səbəb göstərmədən çıxıb getdim. Qısqanclıqlardan, küsməklərindən, yersiz üzr istəməklərimdən yorulmuşdum. Daşıya bilmədim, daşımaq istəmədim.

    Hərdən danışırıq, hər danışdığımızda hər şeyi üzümə vurur. Bütün qırğınlıqlarını deyir və kövrəlir. Ən son danışdıqdığımızda Bakıya gələndə görüşək demişdi. Görüşmədim. istəmədim yenidən başlayaq. Hər dəfə içəndə və yalnız olanda yadıma düşür. ilk sevgi unudulmur . James Blunt bizim idi amma "Goodbye my lover" bizim deyildi. Hər dəfə o mahnısı gələndə . Çevir bizlik deyil deyirdi. Heç düşnməzdim bir mahnını dəfələrlə replay edib dinləyərəm.

    Ən son evlənsəm səni block edəcəm demişdi. Hələ də evlənməyib. Kaş ilk həyəcanı hiss edə bilsəydim..


sən də yaz!