1. müəmmalı və əcaib xəstəliyi ilk dəfə amerikalı nevropatoloq georq börd 1878-ci ildə qeydə alıb. o görüb ki, men ştatında meşələrdə ağac qıran və odun tədarükü görən kanadalı fransızlar belə xəstəliyin daşıyıcılarıdır. onlar men ştatının şimalındakı mushed gölünün yanındakı meşələrdə çalışırdılar. yekəpər, cüssəli kanadalılar qəflətən yerlərində dik atılır, siçan görmüş qadınlar kimi qışqırırdılar.həmin cüssəli kişilər adi səs, sözdən belə qorxurdular.
həkimlər hesab edirlər ki, indi də yüzlərlə adamın mübtəla olduğu bu xəstəlik ifrat qorxu refleksi ilə bağlıdır. üstəlik, xəstəlik yalnız kanadalılar arasında müşahidə olunub. xəstələrdən bəzilərində eşidilən söz və ifadələrin avtomatik təkrarı olan exolalliya sindromu da var. amerikalı psixiatrların fikrincə, xəstəlik turett sindromunun xüsusi forması ilə bağlıdır. bu sindrom xəstələrində mərkəzi əsəb sistemində ciddi fəsadlar müşahidə olunur.