+3 əjdaha
1. (bax: hazır vermişel)vermişelin bişirildikdən sonra quru şəkildə qablaşdırılması ilə alınan, 5 dəqiqə qaynadıldıqdan sonra yemək üçün hazır hala gələn hazır vermişel çeşidi.
ilk dəfə yaponiyalı nissin foods şirkətinin sahibi momofuku ando tərəfindən hazırlanmışdır, elə kəşf edildiyi 1958'ci ildə də kütləvi istehsalına "chikin ramen" brendi altında başlanmışdır. ilk çıxdığı vaxtlarda yaponiya'da 35 yen'ə satılırmış və buna görə də lüks yeməklərdən sayılırmış. buna baxmayaraq qısa zaman ərzində "instant noodle" sürətlə dünyada yayılmağa başladı və 2010'cu il statistikasına əsasən dünyada hər il təxminən 96 milyard paket noodle yeyilir. əsas istehsalçısı hər il təxminən 42 milyard paket "instant noodle" istehsal edən çin'dir. indoneziya, yaponiya, vyetnam, abş da iri həcmli noodle istehsalçıları olaraq bilinir. dünyada ən çox "instant noodle" istehlak edən ölkə isə təxminən adam başına hər il 69 noodle yeyilən cənubi koreya'dır.
ucuz qiyməti və asan bişirilməsi səbəbilə əsasən universitet tələbələri və evsiz insanlar arasında olduqca məşhurdur.
post-sovet məkanında isə ən bilinən "instant noodle" markası "rollton"dur.