+1 əjdaha
1. qeyd : altda yazacaqlarım bu linkdəki hekayə yazma ilə əlaqədar məqalələrin tərcüməsi və icmalıdır.tvtropes.org/pmwiki/pmwiki.php/soyouwantto/seetheindex
hekayə yazma rəhbəri - 1
ilk qayda budur ki yazdığın hekayə maraqsız - darıxdırıcı olmamalıdır. məqalənin qalanı bunu necə edəcəyin haqdadır.
unutma ki ilk yazdıqların axmaq ideyalar , içiboş xarakterlər , mənasız-məqsədsiz dialoqlar və bunun kimi digər "pis yazı" nümunələri ola bilər. amma bunlar səni həvəsdən salmasın. öyrəndiklərinlə bir yerdə çalışaraq bacarığıvı mükəmməlləşdirməyə çalış.
ilkin elementlər :
- ən azı 1 dənə xarakter və ya obraz
- hekayə dünyası
- konflikt və ya problem
- dəyişiklik və ya inkişaf
- süjet
- struktur
- mövzu və ya tema
- ton və ya atmosfer
- üslub və ya stil
xarakterlərivi maraqlı etməli , şəxsiyyətlərini yaratmalı və hekayə rollarını nəzərə almalısan.
hekayə dünyan araşdırmalarınla yaradılmış və ya xəyal gücünlə uydurduğun bir yer ola bilər.
süjet - hekayədə baş verən konfliktlə əlaqəli hadisələrin sıralanmısıdır. əksər hekayələrin konflikti olur :
1. baş xarakterin - protaqonist deyək
2. ehtiyacı olduğu nəyisə istəyir - hədəf
3. və onu əldə etməkdə çətinlik çəkir - konflikt
bu çətinlik hekayənin "pis adamı" - antaqonist , cəmiyyət , əşya , təbii fəlakət və s. ola bilər.
seçimlərin
1. idealist vs kinik baxış bucağı * və ya optimist vs pessimist də deyə bilərik
dünyanı necə təsvir etmək istəyirsən? yaxşıların və yaxşılığın qazandığı , pislərin cəzasız qalmadığı xoşbəxt sonluqlu? pislərin həmişə yaxşılardan daha bəxtəvər olduğu və yaxşılığın mükafatsız qaldığı? bu şkalada optimizm və pessimizm arası bir yeri də seçə bilərsən. hətta bütün hekayə ərzində optimist davam edib , sonluğunu pessimist edə bilərsən. ya da tərsi.
2. ciddiyət vs ciddiyətsizlik
drama yoxsa komediya. indilərdə ən uğur qazanan seriallar bu ikisinin hibridi olur - dramediya - komediya elementlərinin bol olduğu dramalar * the sopranos , breaking bad , six feet under , sherlock . 1cidə olduğu kimi burda da ikisinin nisbətini özün seçə bilərsən
3. xarakterlərin sayı
bəzi şahəsərlər yüzlərlə xarakterdən ibarət ola bilir. ən əsası çeynəyə biləcəyindən daha çoxunu dişləməməyindir. başlanğıc yazıçı üçün bir neçə əsas xarakter bəs edər. xarakter sayını az seçərək bir-birinə dolaşmış süjetlərin də yaranmasına mane ola bilərsən
4. məkanların sayı
yuxardakına bənzər olaraq bir neçə məkanla yazmağa başla