la ligne noire sözaltı sözlük

la ligne noire



əjdaha lazımdı   izlə   lələ   mən   googllalink

    1. Fransız yazar, ssenarist və jurnalist Jean-Christophe Grangé tərəfindən yazılmış və ingilis dilinə tərcümə edilməmiş romandır. Türk dilində oxumaq istəyənlər üçün : Siyah Kan

    Yazarın qələminə şübhələri olanlar üçün Jean Reno , Vincent Cassel'in baş rol oynadığı The Crimson Rivers filminə baxa bilər.

    ilk öncə tanımadığım bir yazar haqqında kitab oxumaq çox xoşuma gələn bir hal deyil. Çünki yazarların üslubuna alışmaq mənim üçün çətindir. Damián Szifron'in (bax: Wild Tales) filmində olduğu kimi ssenaristi tanımadan filmini izlərkən onların tələsinə məndə düşmüşdüm. Belə ki, altı müxtəlif hekayənin bir nöqtədə birləşəcəyini düşünürdüm. Ona görə sonluqda biraz anlamsız gəlsədə sonradan bəyəndiyim film olmuşdu.

    Kitaba başlar başlamaz qarşıma önsöz falan çıxacağını düşünürdüm. Lakin ilk səhifədə xəbər başlığında Cənub-Şərqi Asiyada cinayətlər işləyən fransız Jacques Reverdi'nin həbs olunması xəbəri çıxdı. Aldığım kitabın dedektiv kitab olub-olmadığı şübhəsinə girdim. Bu minvalla ilk 60-70 səhifəsini oxudum. Amma ilk başlarda dediyim kimi özümü yad hiss edirdim. Daha sonra isə üç fərqli yerdəki insanların bir-biri ilə yollarının kəşisdiyini anladım. Əsas qəhrəman keçmişdə sarsıntılar keçirmiş jurnalist Marc Dupeyrat'dır. Digəri isə hamının bildiyi kimi qatilimiz Jacques Reverdi'dir. Üçüncü və ən diqqət çəkən şəxs isə uşaqlığında travmalar keçirmiş Hatica'dır. Bir qatilin bəlli və həbsdə olduğu kitab nə dərəcə maraqlı ola bilər ki ? Bundan sonra yazacaqlarım spoiler ola bilər deyə oxumağa həvəsi olanlar üçün bu həvəsin dadını qaçırtmıram.

    Kitabın adına gələcək olsaq əslində çox ustaca düşünülmüş və reallıq payı olan bir ad seçilib. Yəqin ki, bir çoxunuz ət alarkən diqqət etmisiniz. Ətin bir hissəsi qara olur. Bəzən bu bizləri təəccübləndirir ki, ət qaralıb . Deməli xarab olub və yeyilməz bu ət. Lakin bir dəfə marketdə soruşmuşdum və demişdilər ki, ət oksigensiz olanda qaralır. Yazdığımı kitabı oxuyarkən anlayacaqsız.

    Bir hissələrdə qeyd etmişdm. ilk başlarda çox cəlbedici olmasa da, sonluqda nə dərəcə diqqət çəkici olduğunu anladığım bir dialoq :
    Jacques Reverdi əlinə iki şamı götürərək vəkildən soruşur :
    - Reinkarnasiyaya inanırsız ?
    - Xeyr.
    - Şamların birini söndürərkən digəri yanır. Ruhlarda belədir. Bədən ölərkən, başqa bir bədəndə yenidən yaranır...


sən də yaz!