+3 əjdaha
1. allah niyə bəzi bəndələrini bədbəxt yaradıb?allah təala öz bəndələrini müxtəlif cür yaratmış və onların tutumuna görə hər biri üçün imtahan qərar vermişdir. qüdsi hədislərin birində oxuyuruq: “allah təala buyurur: bəzilərini kor, bəzilərini görən, bəzilərini qısa boylu, bəzilərini uca boylu, bəzilərini gözəl, bəzilərini çirkin, bəzilərini alim, bəzilərini cahil, bəzilərini yoxsul, bəzilərini zəngin etmişəm. bəziləri müti, bəziləri üsyankar, bəzilərini xəstə, bəziləri sağlam, bəziləri şikəst, bəziləri eyibsizdirlər.
bütün bu işlər xilqət üçün lazımlıdır. ona görə ki, o eyibsiz və sağlam şəxs eyibli olan şəxsə nəzər salsın və salamatlığına görə mənə şükür və həmd etsin. ya eybi olan insan sağlam insana baxsın və mənə təvəssül etsin ki, ona da salamatlıq verim. həmçinin mənim bəlama səbir etsin ki, ona yaxşı mükafat verim. ya da zəngin insan yoxsula baxsın ki, ona verdiyim sərvətə görə mənə həmd etsin. ya yoxsul insan zəngin insanı görərək məndən sərvət istəsin. ya mömin kafirə baxsın və onu etdiyim hidayətinə görə mənə həmd və şükür etsin...”.
bu hədisdən göründüyü kimi bədbəxtlik adlandırdığımız bu amil – insanı inkişaf etdirən amildir. insan ən pis halını ən yaxşı hala çevirə bilər. (tebyan)
“bu dünya həyatı bihudə əyləncədən və oyun-oyuncaqdan başqa bir şey deyildir. həqiqətən də, axirət evi – əbədi həyatdır (onun yeri, göyü, cəmadat və nəbatatı belə) əbədilik diridir (və elə bil ki, həyatın özüdür). kaş biləydilər!”. (“ənkəbut” 64).
allah təala bu dünyanı imtahan dünyası qərar vermişdir. bura insanın əbədi qalacağı yer deyildir. əgər insan bu həqiqəti dərk etsə, ona nazil olan bəla və bədbəxtliklərə bir nemət kimi baxar, bir əziyyət kimi deyil.
(c)