25 avqust 2018 angela merkelin muxalifətlə görüşü



əjdaha lazımdı   izlə   lələ   mən   googllalink

    1. Merkel müxalif fəallarla görüşüb
    Azərbaycana rəsmi səfərdə olan Almaniya kansleri Angela Merkel, müxalif araşdırmaçılar və bir sıra vətəndaş cəmiyyətin üzvü ilə görüş keçirib. Görüşdə Turqut Qəmbər, Xədicə ismayıl, Əvəz Həsənov, Şəhla ismayıl, Sevinc Səmədzadə iştirak ediblər.
    “Almaniya kimi dövlətin kanslerinin Azərbaycana səfər etməsi və vətəndaş cəmiyyətinin nümayəndələri ilə görüşü müsbət hadisədir. Bu, özlüyündə hansı məsələlərin müzakirə edilməsindən asılı olmayaraq müsbət sayılmalıdır” deyə Angela Merkellə görüşən iştirakçılarından biri NiDA-çı Turqut Qəmbər deyib. NiDA-çı özünün Angela Merkelə siyasi məhbuslar, insan hüquqları, siyasi fəaliyyətlə məşğul olmağın qeyri-mümkünlüyünə xatırlatdığını bildirib:
    - “Mən öz profilimə uyğun danışdım. Reaksiyaya gəlincə, bu tipli görüşlərdə dinləyirlər, ümumi cavablarla kifayətlənirlər, dövlət rəhbərləri diplomatik davranmalara üstünlük verirlər. Amma hiss olundu ki, ölkədəki durumdan xəbərdardır və laqeyd deyil” deyə T.Qəmbər bu tipli görüşləri vacib saysa da, əhəmiyyətini şişirtməyin də tərəfdarı olmadığını hesab edib.
    Görüş iştirakçılarından araşdırmaçı jurnalist Xədicə ismayıl kanslerlə görüşdə medianın durumu, jurnalistlərin ölkədən çıxışına qadağaların qoyulması, vəkillərə təzyiqlər, həbsdəki jurnalistlər, korrupsiya və digər məsələlər haqda müzakirə apardıqlarını söyləyib. Xədicə ismayıl:
    “Merkel regionda avtoritar rejimlərin fəaliyyət fəlsəfəsi ilə tanışdır. Mən ona korrupsiya faktlarını xatırlatdanda, bunların qəbuledilməz hallar olduğunu bildirdi. Bu, ölkədə korrupsiya və bölgədəki sabitliyə təsir faktı kimi nəzərdən keçirilə bilər. Eyni zamanda, əlavə etdim ki, azad medianın fəaliyyəti bərpa olunmalıdır və əgər meqalayihələrə kretditlər ayrılacaqsa, mətbuatın, vətəndaş cəmiyyətinin bunların xərclənməsinə nəzarət mexanizminə şərait yaradılmalıdır”

    *

    Merkel, Əliyev qarşısında ilkin və Mehman məsələsini qaldırıb
    Almaniya kansleri Angeka Merkel Azərbaycan səfəri zamanı, hökümət üzvləri ilə yanaşı, qeyri-hökümət birlikləri ilə də görüşüb. Kansler ilə görüşən araşdırmaçı-jurnalist Xədicə ismayıl 2 fəal barəsində onun xəbərdar olduğunu hətta prezident Əliyev ilə görüşdə məsələ qaldırdığını da söyləyib. Xədicə ismayıl bu barədə belə deyib:
    “Kansler dedi ki, prezident Əliyevlə bəzi məsələri müzakirə edib, həmçinin ilkin Rüstəmzadə və Mehman Hüseynovun məsələsini qaldırıb. Merkel reaksiyanın necə olduğunu bilmədiyini desə də, Əliyev ona araşdıracağını söyləyib. Biz ona dedik ki, rəsmi Bakı məsələni belə qoyur ki, əgər Qərb onları dəstəkləməsə, alternativ radikal dindarlardır. Amma əslində vəziyyət fərqlidir, toplaşma azadlığı nisbətən məscidlər olaraq qalır. Hökumət birləşmə azadlıqlarını boğmaqla insanları dinə, yaxud dini təşkilatlara yönəldir.”
    Jurnalist deyib ki, Azərbaycandakı bir qism problemlər bölgədəki digər avtoritar ölkələrdə mövcud olduğundan kansler Merkel məğzi başa düşürdü, bəzi məsələlər haqda isə təfərrüatlı məlumata malik idi.


sən də yaz!