azərbaycan məktəblərində rus dilli sektorların pullu olması təklifi



əjdaha lazımdı   izlə   lələ   mən   googllalink

    1. Azərbaycanda tarix boyu bütün dillərə hörmət olub və var. Xüsusilə, uzun illər sovet mühitində yaşadığımız üçün rus dilinə Azərbaycan cəmiyyətinə daha fərqli münasibət, rəğbət olub.

    Orta məktəblərimizdə, ali təhsil olacaqlarımızda daim rus dili tədris olunub. Hətta keçmiş post-sovet ölkələrinin bəzilərində rus dili, rus məktəbləri ilə bağlı müəyyən qadağalar, yasaqlar tətbiq olunsa da, Azərbaycanda bu addıma gedilməyib.

    Əksinə, Azərbaycanda hələ də rus dilində tədris aparan xeyli sayda orta məktəblərimiz var. Həmçinin, Bakı Slavyan Universiteti (keçmiş M.F.Axundov adına Rus Dili və Ədəbiyyatı institutu) fəaliyyət göstərməkdir.

    Bunu millət vəkili, BDU-nun professoru Kamilə Əliyeva deyib.
    Millət vəkilinin sözlərinə görə, bununla yanaşı, dövlət səviyyəsində rus dilinin inkişafı, tədrisi ilə bağlı nələr lazımdırsa, hamısı edilməkdədir, bu məsələ qayğı, diqqətlə əhatə olunmaqdadır.

    “Əvvəllki illərlə müqayisədə övladlarını rus dilində tədris həyata keçirən məktəblərdə oxutmaq istəyən insanlarımızın sayı artır.

    Hətta bir çox valideynlər uşaqlarının rus dilində danışması, bu dilə mükəmməl yiyələnməsi üçün onları pullu hazırlıq kurslarına, “repetitor” yanına hazırlığa göndərməkdədirlər. Dil, xüsusilə, çox dilmək yaxşı əlamətdir. Bu, həm də mənəvi bir üstünlükdür. Amma bəzən bu məsələdə ifrata varmaq, əndazəni aşmaq halları da var.

    Bəzən insanlarımız bu məsələyə dəb, “qonuşdan dala qalmamaq”, az qala özlərini “elit” göstərmək xatirinə yanaşırlar.

    Baxırsan ki, özləri rusca bir kəlmə olsun belə bilmirlər, ancaq övladlarını kor-koranə şəkildə rus dilini öyrənməyə, rus məktəblərində oxumağa məcbur edirlər, kiminləsə yarışa, bəhsəbəhsə girirmiş kimi özlərini aparırlar.

    Tutaq ki, uşaq rusca oxudu, o uşağa lazım olanda həmin valideyn kömək edə biləcəkmi rus dilini bilmədiyi halda? Bunu, görəsən, insanlarımız fikirləşirlərmi heç? Bu, axı həmin uşaqlarda bir mənəvi şikəstlik, natamamlıq yaradır, niyə bunları bəzi insanlarımız, valideynlərimiz anlamaq və qəbul etmək istəmirlər?

    Dediyim kimi, çox dil bilmək, öyrənmək yaxşı cəhddir, amma hər şey həddində, qədərində olmalıdır. Hesab edirəm ki, bu məsələdə xarici dövlətlərin, elə qardaş Türkiyənin təcrübəsindən yayarlanmaq olar və lazımdır da.

    Uşaqlarını rus məktəblərində yerləşdirə bilmədikləri üçün hay-küy salan, az qala aləmi bir-birinə vuran insanlarımız yaxşı olardı ki, başqa ölkələrin təcrübəsini də öyrənəydilər və biləydilər ki, orada xarici dil üçün dövlət pullu təhsil-tədris keçirir.

    Dövlət müəyyən qədər əlavə vəsait ayırır və məhz o vəsaitə uyğun şəkildə də yerləşdirmələr aparır, yəni, heç də hər kəs övladını xaric dildə tədris keçirən məktəbdə oxuda bilmir. Odur ki, bizdə də, nəhayət, bu təcrübədən istifafə etmək, yararlanmaq olar və vacibdir.

    Tez-tez dilimizin normalarına, qayda-qanunlarına əməl edilməməsindən, dilimizin təhrif edilməsindən, biabırçı kökə salınmasından ah-nalə edir, danışır, şikayətlənirik. Bir tərəfdən də öz dilimizi unudub, dəb xatirinə başqa dillərə üstünlük veririk, bu, nədir, o, nədir? Məsəl var, bəy dediyin nə, bəyənmədiyin nə…

    Gəlin, əvvəlcə öz dilimizi öyrənək, öz dilimizdə səlis danışaq, sonra başqasına meyillənər, üz tutarıq”
    mənbə: https://sumqayitxeber.com/azerbaycan-mekteblerinde-rus-bolmesi-pullu-olsun-teklif/
    3. bağlanılmalı olan sektorun ödenişli hala getirilmesi teklifidir. burdan bele qazanc elde etmeye çalışırlar, dehşetdir. qetiyyen ödenişli olmamalı, en qısa zamanda bağlanılmalıdır.
    4. Az-russektor bipolyarlığı haqqında söhbətlər gedəndə daim ehtiyyatlı olmaq lazımdır, çünki bu iki qüvvə arasında olan fərqi dilə gətirəndə, adətən rus sektorun tərəfini tutan kəs kakaşka atəşinə tutula bilər. Əslində isə hamı yaxşı bilir rus sektorun az sektordan üstünlüyünü, sadəcə bu haqqda danışmaq lazım deyil. Eləsinlər pullu, görək onda iş yerlərində "rus dili bilməsi vacibdi" tələbi ilə üzləşəndə yazıq məzun nə edəcək? Rus sektorun ən əsas üstünlüyü mənə görə ədəbiyyat dərslərində Dostoyevski, Tolstoy, şekspir, çexov, bulqakov kimi nəhənglərin tədris olunmasıdır. Onları oxumayan adam nə qədər teoriya əzbərləsin, yenə də dünya ədəbiyyatını oxumadan , tam dünyəvi şəxsiyyət ola bilməyəcək.
    5. 1. Hökümət tərəfindən dövlət dilindən başqa heç bir dildə tam orta təhsil maliyyələşdirilməməlidir.

    2. Rus dilini öyrənmək üçün mütləq 11 il təhsil almağa ehtiyac yoxdu. Babat çalışsan il yarıma, uzağı iki ilə dili yaxşı öyrənmək olar. Bizim camaatda niyə hələ də bu əsassız fikir qalıb başa düşmürəm.

    3. Digər tərəfdən artıq bu vətən şüvənlər qəbul etsin ki, azərbaycan dili cəmiyyətdə yetərincə möhkəmlənib. Nə rus, nə də başqa bir dil azərbaycanda dövlət dili üçün təhlükə deyil. Rus dili mövzusundakı bu isterika artıq həqiqətən bezdirici hal alıb.
    Sənin təhsil sistemin hansı dildə olur olsun, onsuzda tırtdı. Ona görə məncə çox da şey eləməmək lazımdı.


sən də yaz!