1. o andır ki, ürəyinin döyüntüsü qulağını batırır, qanın hərəkəti maksimum həddə çatır, əlin ayağın titrəyir. düymənin basılması da heç sənin istəyinlə baş vermir. sadəcə olaraq, düymənin üzərində tərəddüdlə dayanmış əl sənin iradəndən çıxır və yerin qravitasiya qüvvəsi onu özünə çəkərkən düymənin üstünə düşüb basılmasına səbəb olur. bundan sonra isə vücud başqa bir hala keçir. donuq, hissiyyatsız baxışlar, 10 saniyədən bir gedib gələn tənəffüs, o düyməni basmağının doğru hərəkət olub olmadığı, nəticəsinin isə nələr olacağı ilə bağlı sonsuz ehtimallar və mənzərələr təsəvvür edən bir beyin. cavab gələnə qədər keçən hər bir saniyədə bir film ssenarisi yaranır. zamanın nisbiliyini açıq-aşkar hiss etdiyiniz nadir anlardan biridir.