+5 əjdaha
1. philip k dick-in eyniadlı kitabından ərsəyə gələn 40 bölümlük distopiya, elmi-fantastika və alternativ tarix janrlarında olan serial. serial həm də ensemble cast xüsusiyyəti daşıyır. yəni 1-2 yox çoxlu sayda əsas obraz var.hekayə ikinci dünya müharibəsini almanların və yaponların qazandığı bir dünyada keçir. dünyanı iki faşist diktatura idarə edir. hekayənin mərkəzi yaponiya və 3-cü reyx arasında bölüşdürülmüş amerikada keçir. müharibənin bitməsindən 20 il keçib. artıq hamı əvvəlki həyatı unudub, diktaturaya öyrənib. vaxtı ilə faşizmə qarşı savaşanlar artıq ona sadiqdilər. yaponiya və 3-cü reyx arasında soyuq müharibə baş verir.
qəhrəmanların gizli planlar qurub hamını ağlı ilə məğlub elədiyi şeylər sevirsizsə izləyə bilərsiz. siyasi intriqalar filan çox maraqlıdı. hitler, himmler, George Rockwell, ss cəsusları, kenpeitai, yakuza, partizanlar və s. belə bir dünya da ola biləcək hər şeyi göstərir serial.
buna dediklərimə baxmayaraq, məncə, içində çoxlu sayda sıxıcı səhnə var. bir də serialın adına-şanına, büdcəsinə yaraşmayacaq dərəcədə ucuz səhnələri var. spoilersiz deyim. səhnənin birində partizanlar düşmənlərlə döyüşüllər. səhnə bitir ən arxada dayanan və heç atəş açmayan bir partizanın öldüyünü görürük. heç vurulma səsi zad gəlmir. sadəcə axırda öldüyü görünür. bu səhnənin normalında partizan döyüşməli və qəhraman kimi ölməli, biz də onun üçün təəssüflənməliydik. amma burda belə deyil.
başqa bir səhnədə partizanlar cəsusu öldürmək üçün izləyirlər. birdən cəsus istiqaməti dəyişir çıxır gedir. fikirləşirsən ki, bunu izləyənlər hara baxır? qaçdı axı bu. izləyənləri göstərir səhnə. üzlərini çevirib başqa yerə baxırlarmış. bunun normalı da araya maşın yada da başqa adamların girməsi filan olmalıdı. o arada cəsus gözdən itməlidi. amma burda gözdən qaçır sadəcə. azərbaycan seriallarından çıxma səhnələr var serialda.