+5 əjdaha
1. əhməd davudoğlunun bugün yarandığını elan etdiyi partiyadır. türkiyədə siyasi toplum iki əsas hissəyə ayrılmışdı. ya islamçı idiniz, ki onlara kemalistlər "yobaz", "dinçi" də deyirlər, ya da dindən uzaq sekulyarlığın dibinə vurmuş bir kütlə. siyasi seçkilərdə əsas bu fikir həmişə üz-üzə dayanırdı. cəmiyyətdə bu fikri dağıtmaq və ən əsası bundan sonrakı seçkilərdə akp-nin qan itkisinə yol açmaq üçün sağ mərkəzçi "gələcək" partiyası yaradıldı. əhməd davutoğlu bir zamanlar akp-nin arxiteklərindən və əsas fiqurlarından hesab olunurdu, adam siyasi təffəkürə malik meydanda olan tək-tük şəxslərdəndir. baş nazir və akp-nin sədri olduğu dönəmdə həmişə ərdoğanın kölgəsində qalırdı. buna görə 2016-ci ildə istefa verdi. gələcək partiyasının əsas hədəfi akp-dən narazı, amma sekulyar kütləyə qoşulmayan (chp) dindarları öz tərəfinə çəkmək olacaq ki, bu da öz növbəsində bundan sonrakı seşkilərdə akp-nin 40 faiz üzərindən səs toplamağa, dolayısı ilə cumhur ittifaqının parlamentdə və idarəetmə orqanlarında tək əl üzərindən hakimiyyətinə ciddi əngəl yaradacaq. digər maraqlı məqam isə partiyanın elanı zamanı atatürkün adının anılması olub. bu eyni zamanda gələcək partiyasının kəmalist ideyalar ilə barışıqlığını göstərir. bu o deməkdir ki, chp-dən də bezən, amma çarəsizlikdən "səsim akp-yə getməsin deyə ona səs verim " deyənləri də öz tərəfinə çəkmiş olur. siyasi oyunlar hələ bununla bitmir. qarşıda əli babacanın da öz partiyasını elan edilməsi gözlənilir. güman ki, bu iki partiya birlikdə ittifaq şəklində seçkilərə gedəcəklər... son olaraq onu deyə bilərəm ki, regionda (türkiyə, azərbaycan, rusiya, iran) avtoritar rejimlər domino effekti kimi ard-arda gedəcəklər. bunu zaman özü yetişdirəcək. cəmiyyətdə siyasi sosioekonomik partlayışın qabağını ala bilməzsiniz, sadəcə gecikdirə bilərsiniz. bizdə isə növbəti parlament seçkiləri sadəcə şoudur. indiki müxalifətdən heç bir siyasi qüvvə, partiya hakimiyyəti devirmək qüdrətinə malik deyil.