aşura
| din30,416 | 60 | 348
əjdahalar googlla
aşura günü aksiyaları - şiəlik - məhərrəmlik - 26 noyabr 2015 nardaran hadisələri - sözaltı sözlük - məhəmməd əmin rəsulzadə - əli və nino - sözaltı etiraf - ata
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
bundan başqa bu gündə (məhərrəm ayının 10-da) dini nöqteyi-nəzərdən vacib olan bir neçə tarixi hadisələrin də baş verdiyinə dair yazılar, rəvayətlər vardır. rəvayətlərə görə bu gün həm də adəmin işlədiyi günahdan sonra tövbəsinin qəbul edildiyi, nuhun gəmisinin tufandan xilas olduğu, ibrahimin oda atılanda yanmayaraq möcüzə göstərdiyi, musanın qırmızı dənizi yararaq ona inananları firondan xilas etdiyi gündür. onu qeyd edim ki, aşura günü hələ islamiyyətdən əvvəl də ərəblərdə xüsusi gün idi, belə ki, hz ibrahimin vaxtından adət kimi qalmışdı. indi aşura günü oruc tutlduğu kimi, islamiyyətdən əvvəl də aşura günü oruc tutlardı. bu da bir daha göstərir ki, əvvəllər də bu gün nəsə xüsusi hadisələrin baş verdiyi bir gün olub.
göründüyü kimi aşura günü yalnız hz hüseynin və ailəsinin qətlə yetirildiyi gün deyildir, həmçinin çox vacib hadisələrin baş verdiyi gündür. bu baxımdan ilin bu vaxtının, aşura gününün dini nöqteyi-nəzərdən doğrudan da vacib olduğu, vacib olduğu qədər də əsrarəngiz olduğu görünür.
indi isə gəlin diqqətimizi kərbəla hadisəsinə yönəldək. yuxarıda qeyd olunduğu kimi, aşura günü çox müstəsna hadisələrin baş verdiyi gün kimi bilinir. belə çıxır ki kərbəlada baş verən hadisədə də nəsə müstəsna bir şeylər olmalıdır. görəsən bir ailənin qətlə yetirilməsi hansı dərəcədə müstəsna ola bilər? əlbəttə hz hüseyn məhəmməd peyğəmbərin sevimli nəvəsi və islamın birinci imamı hz əlinin oğludur və təkcə hüseynin deyil, onun ailəsinin və tərəfdarlarının toplu şəkildə amansızlıqla qətlə yetirilməsi islam dünyası üçün böyük itkidir, tarixin qaranlıq günüdür və matəm günüdür. lakin gəlin hadisələri daha yaxından öyrənək və görək bu günün vacibliyi təkcə imamın və ailəsinin öldürülməsidir, yoxsa başqa məsələlər dəmi var.
məsələni daha yaxşı izah eləmək üçün əvvəlcə istəyirəm ki, o dövrdəki vəziyyəti qısa da olsa təsvir edim. hicri 61-ci il peyğəmbərin yaşadığı dövrdən elə də uzaq bir müddət deyildir, peyğəmbərin ölümündən (miladi 632-ci il) cəmi 51 il sonradır.
həmin vaxtda məkkədə xəlifə müaviyyə vəfat edir və oğlu yezid hakimiyyətə gəlir. müaviyyə qatı islam düşməni idi və uzun sürən mübarizədən sonra hakimiyyəti ələ keçirə bilmişdi. lakin mədinə şəhərində insanlar hz hüseynə tabe olur və peyğəmbərin qoyduğu yolla getməyə çalışırdılar. hələ yezid hakimiyyətə gəlməmişdən hz hüseyn ondan və ətrafından narazı idi. çünki islam dünyasının xəlifəsi olaraq islamı gözdən salır və bütün gününü içki ilə, eyş-işrətlə keçirirdi. insanlara qarşı ədalətsiz davranır və zülüm edirdi. amma günü gündən nəinki yezid və onun ətrafı, hətta insanlar da islamın qayda-qanunlarını unutmağa, onlara laqeyd yanaşmağa başlayırdılar. hakim təbəqədə olan bu hal insanlara təsir etməyə başlayırdı. peyğəmbərin dövründən qalan səhabələr, onun nəslinin nümayəndələri səbr edirdilər və düzələcəyinə ümid edirdilər. ona görə də ortalığı qızışdırmaq istəmirdilər və heç ağıllarına da gətirmirdilər ki gələcəkdə kərbəla hadisəsi kimi bir şey ola bilər. peyğəmbər övladına, islama qarşı belə harınlıq, qudurğanlıq törədilə bilər. hətta çoxları yezidin atasından sonra hz hüseynin xəlifə olacağını və bütün problemlərin həll olunacağını gözləyirdilər. ona görə də səbr etməyə üstünlük verirdilər. amma hər şey başqa cür oldu və yezid xəlifə oldu.
yezid onsuz da hz hüseynin ondan narazı olduğunu və insanların onun xəlifə olacağını gözlədiklərini bilirdi. ona görə də ona qarşı nifrəti var idi. xəlifə olduqdan sonra da bu nifrətini davam etdirməyə başladı. artıq bilirdi ki, hz hüseyn onun xəlifə olmasından narazıdır, çünki o deyirdi ki, yezid kimi günü eyş-işrətlə keçən birisi xəlifə ola, islamın başında dura və islamı təmsil eliyə bilməz. bu qəbuledilməzdir və biabırçılıqdır. ona görə də xəlifə olan kimi hz hüseynə xəbər göndərmişdi ki, o mütləq onun hüzuruna gəlməli və ona boyun əyməlidir. onun xəlifəliyini qəbul etməlidir. lakin hz hüseyn bu təklifi bir mənalı şəkildə rədd etmişdir. bu səbəbdən yezid hz hüseyni təqib etməyə başlayır və onu öldürmə əmrini verir. artıq hz hüseyn üçün çöldə gəzmək yavaş-yavaş təhlükəli olmağa başlayırdı. o, hətta öz ailə üzvlərinə görə də narahat olmağa başlayırdı. vəziyyəti ələ almaq və ortalığı sabitləşdirmək üçün qərara alır ki yezidə qarşı çıxmalı və hakimiyyətə keçməlidir. mədinədə hüseyni dəstəkləyənlər çox idi. həmçinin kufədə də tərəfdarları az deyildi. ona görə qərara gəlir ki kufəyə getsin və orda insanlardan dəstək alsın. və öz tərəfdarları və ailəsi ilə birlikdə (72 nəfərlə) kufəyə doğru yola çıxır. lakin yolda yezidin 4500 nəfərlik (bəzi rəvayətlərə görə 30000 nəfərlik) ağır silahlanmış ordusu ilə qarşılaşır. ordu ilə qarşılaşan hüseyn və tərəfdarları geri çəkilməməyə qərar verirlər. hz hüseyn bildirir ki, onlar yezidin hakimiyyətinə qarşıdırlar və geri çəkilmək niyyətləri yoxdur. belə olan halda yezidin ordusu hüseynin düşərgəsini mühasirəyə alır və düşərgəyə gələn suyun qarşısını kəsir. bu yolla onları təslim olmağa məcbur etməyə çalışırlar. lakin hüseyn və tərəfdarları mübarizə aparmaq qətiyyətli idilər və təslim olmaq fikirləri yox idi. bir müddətdən sonra düşərgədə susuzluq başlayır və hz hüseynin xəstə oğlu imam zeynələbdin və 6 aylıq digər oğlu imam əli əsgər susuzluqdan əziyyət çəkməyə başlayırlar. hz hüseyn körpəni əllərində qaldırıb əsgərlərə göstərərək susuzluqdan əziyyət çəkdiyini və heç olmasa körpəyə rəhm etmələrini və suyun qarşısını açmağı söyləyir. lakin yezidin əsgərləri körpəni hz hüseynin əlləri arasında oxla boğazından vuraraq qətlə yetirirlər. (el arasında birisinə su vermeyende ona yezid deyilməsi burdan gəlir). və bundan sonra hz hüseyni, ailəsini və tərəfdarlarını xüsusi amansızlıqla qətlə yetirirlər, sağ qalan bir neçə nəfəri isə əsir götürürlər. təkcə hz hüseynin bədəninə 30 dənə ox və nizə vururlar. ayaqlarını, qollarını və başını kəsib şəhər-şəhər gəzidirirlər ki, hamıya dərs olsunki, xəlifəyə qarşı çıxmaq, etirax etmək olmaz. sonda hz hüseynin başını gətirib atırlar yezidin qarşısına və hirsi soyumayan yezid onun başını təpiklə vurur və çubuqla özündən kənarlaşdırmağa çalışır.
kərbəla hadisəsi əslində nədir və niyə görə vacibdir? kərbəla hadisəsi hər şeydən əvvəl bütün ümidlərin bitdiyi məqamda haqqsızlığa və zülmə qarşı bir insanın etiraz səsi və mübarizəsidir. islamın ən vacib məqamlarından biri olan haqq səsini ucaltmağın vacibliyini ifadə edən hadisədir. kərbəla hadisəsi insanları yatdıqları qəflət yuxusundan oyatmaq üçün onların üzünə vurulan şillədir. onları mübarizəyə səsləyən çağırışdır. kərbəla hadisəsi ona görə fövqəladə şəkildə vacibdir ki, o dövrdə müaviyyənin və yezidin zülmunə qarşı susan və onları görməməzlikdən gələn müsəlmanları qəflət yuxusundan oyatdı. onlara öz dinlərinə sahib çıxmalarının vacib olduğu çatdırdı. bəzilərinə görə, əgər kərbəla hadisəsi olmasaydı islam tamamilə məhv olası idi. kərbəla hadisəsi müsəlmanları yenidən dirçəltdi və onlara başa saldı ki, onlar öz dinlərinə sahib çıxmalıdırlar. hz hüseyn bilirdi ki, kərbəlada belə bir hadisə olacaqdı. o bilə bilə öz ailəsini və özünü islam və müsəlmanlar yolundə qurban verdi. kərbəla hadisəsinin vacibliyi bu baxımdan müstəsnadır və hz hüseynin özünü və ailəsini bu yolda şəhid etməsi islam tarixinə qızıl hərflərlə yazılmış bir qəhrəmanlıq hekayəsidir. buna görə də hər il məhərrəm ayının 10-cu günü, aşura günü dünya müsəlmanları tərəfindən matəm günü kimi qeyd olunur. və olunmalıdır da. kərbəla hadisəsini unutmamaq üçün. hz hüseyn mübarizəsini unutmamaq üçün. yenidən islamı unudub laqeydləşməmək üçün. zülmə və haqqsızlığa qarşı haqq səsini qaldırmağın vacibliyini unutmamaq üçün.
hər yer kərbəladır, hər gün aşuradır deyirlər. bəziləri bunu səhv başa düşür və hər gün və hər yerdə matəm saxlamlıyıq deyir. amma "hər yer kərbəladır, hər gün aşuradır" demək, hər yerdə və hər an hz hüseyn kərbəlada haqq səsini ucaltdığı kimi, haqqsızlığa qarşı səsimizi qaldırmağı bacarmalıyıq deməkdir.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
(youtube: 
)
sadəcə olaraq bu əsrdə dindarlar bu yolla pul toplaya bilirlərsə, bu millətə deməyə söz tapmaq olmur. 100 il əvvəl mirzə ələkbər sabir, seyid əzim şirvani və başqaları belə dindarları tənqid edirdi, xalqı oyanmağa çağırırdı. demək o vaxtdan bu yana bu xalq elə yerindəcə yatıb.)jurnalist qabil abbasoğlunun bu barədə mükəmməl yazısı:
--sitat--
Heç nə... Belə getməyəcək, qardaşlar, bacılar... hacılar... belə heç nə edə bilməyəcəyik.
Bu Aşura günü Sabirabadın Moranlı kəndində baş verənləri gördüm. Aşura mərasimindən çəkilmiş görüntülər sosial şəbəkələrdə paylaşılıb. Görüntü nə görüntü...
Uçan ələm. Elə belə də deyirlər. Bir dəmir boru, başında əl pəncəsinin maketi... və bu, uçur... Üst-başından, geyim-kecimindən hind ilanoynadanlarına oxşayan birisi bu dəmir borunu o qədər də yüksək olmayan artistlik bacarığı ilə “oynadır”, ələmin uçduğunu iddia edir, “göstərir”. Adamın sifətindəki vahimə və mistika əlamətləri də, insafən, yerindədir. Mən onun təsadüfi, yaxud cahil bir adam olduğuna heç inanmıram. Belələri konkret ünvanlardan konkret tapşırıqlar alıb, onu icra etməklə məşğul olurlar. Məqsəd, kütləni oyanmağa, cəhalətdən çıxmağa, dinin nə olduğunu, nəyin din olduğunu bilməyə, beləliklə bu fırıldaqlara üsyan etməyə qoymamaqdır... Hədəf – bu yolla pul qazanmaq. Mühərriksiz, qanadsız, bircə cüt pər belə qondarılmayan bir dəmir parçasının “uçmasına” insanları inandırıb, bundan pul qazanmaq... ya bu, islam deyil, ya da islamdısa, onda ta heç nə!
Bu kadrlara diqqətlə baxın. Bu adam, onun yanındakı arvadlar, fondakı avaz... və ətrafda yesir olmuş savadsız, cahil kütlə! Bu kadrları çəkən və onunla həmfikir olan, bu səhnəni bəyənməyən, baş verənlərin xurafatdan və cəhalətdən başqa heç nə olmadığını anlayan gənclərimiz – bu mənzərədə tək ümidverici və müsbət faktdır... Azdır, yetərli deyil, amma var...
Bu qazan neçə illərdir, neçə əsrlərdir qaynayır. Bu şüur əsrlərdir, illərdir usanmır, yorulmur, təzələnmir, dirçəlmir... Bu şüur minləri, yüzminləri gilyotinə aparıb, ilgəyə sürükləyib, çarmıxa qaldırıb, gülləyə çıxarıb... aparır, sürükləyir, qaldırır, çıxarır hələ də. Başlar kəsir bu nidalar indinin özündə də. Dəriləri soyulub, dırnaqları çıxarılıb, tonqallara atılıb nə qədər insan. Bu zehniyyətsizlik ucbatından! Kimin üzərindədi məsuliyyət?! Axı, sahibsiz heç bir əməl yoxdu yer üzündə. Axı hər şeyin törədiyi bir mənbə var. Axı, hər yaxşının qürrələnən bir yiyəsi olduğu kimi, hər pisin də utanan bir sahibi olmalıdı...
Arada bu “uçan ələm” yatır, dayanır, enir, əyilir... pul üçün, nəzir üçün. Hə, baxın, harda nəzir almadığı adamlar qalırsa, ələm ora səyriyir. O qara canbazın o qara dəmiri necə silkələdiyini, necə “uçurtduğunu” hamı görür axı! Hamı da anlayır! Heç kim demir ki, bu necə uçan ələmdi ki, o canbazın ayağını yerdən 3-cə santimetr belə qaldırmayıb hələ bir dəfə də! Amma heç kim dinmir, duruxmur, soruşmur, şübhələnmir! Çünki qorxur... Qorxduğu üçün nəzir verir. Rüşvət kimi.
Heç bir səlahiyyəti, gücü, təsir mexanizmi, tutmaq, damlamaq, ittiham etmək, bağlamaq, dağıtmaq, sökmək, uçurtmaq imkanı olmayan dəmir parçasına rüşvət verən adam əlində real, qanuni təsir imkanları olan vəzifə sahibinə, səlahiyyət yiyəsinə niyə verməsin rüşvəti?! Bu zehniyyətsizlik rüşvəti törədir. Bu zehniyyətsizlik, hər zaman hamımızın gileyləndiyi korrupsiyanı doğurur. Bu zehniyyətsizlik, öz hüquqlarını bilməməyin, qorumamağın səbəbidir...
Bu ağıllamı Qarabağı almaq istəyirik ermənidən?! Kilsəsini milli düşüncə mərkəzinə, milli ideologiya generatoruna çevirən ermənidən torpaqlarımızı “uçan ələm”ləmi alacağıq?! O kadrlardakı uşaqlar sabah əsgər olacaqlar. O qızlarımız sabah ana olub övlad böyüdəcəklər. Gedin nə ölümünüz var özünüzə götürün, o cocuqları buraxmayın belə yerlərə heç olmasa! O dəmir borunun uçduğuna inanan məktəbliyə xəritədə torpaqlarımızın hardan hara uzandığını kim anladacaq? Kim anlada biləcək? Kim başa salacaq onları ki, silah, can, sevgi, ağıl lazımdı torpaqlarımızı geri qaytarmaq üçün, sakın o ələmin uçmasına bel bağlamayın, uçmayacaq o... və heç zaman da uçmayıb...
Bu mənzərəni kim təşkil edib, bilmirəm. Amma səslərini çıxarmalı olan tanıdıqlarım var. Cəmiyyətin eləsindən-beləsinə umacağı olan, hörməti hörmət, hökmü hökm, imkanı imkan olan insanlar var. inanc yiyələri var. inancını təlqin edənlər var. Dinimizin elm, mərifət dini olduğunu bizə öyrədənlər var. islam adına məzhəkə quraşdırılır, səhnə oynanılır, pul qazanılır, millət soyulur, parası alınır, ağlı alınır, vicdanı alınır, ürəyi alınır, gələcəyi, keçmişi, dini... hər şeyi alınır! Kimsə dillənmir!
Hörmətli Şeyxülislam Hacı Allahşükür Paşazadə, nə deyirsiniz? Bu məzhəkə sizə lazımdırmı? Bunu dinimizdən sayırsınızmı? Burdan qazancınızmı var, hörmətli mömin və ziyalı qardaşlar?! Dəyərli Hacı Sabir Həsənli, Hacı Şahin Həsənli, Hacı Qamət Süleymanov, Hacı ilqar ibrahimoğlu, Seyid Camal Əzimbəyli, Hacı Əlixan Musayev... adlarını çəkmədiyim neçə bəylər və xanımlar! Qazancmı gəlir ordan sizə? Yoxsa islama qazanc hesab etdiyinizdən dinmirsiniz? Bildiyim qədər birinci deyil. ikincidirmi? Onu da siz deyəcəksiniz...
Bir qələm adamının, bir jurnalistin səliqə-sahmanlı yazısında bircə cümlə tapıb orda küfr axtaranda, bir də dönüb “dindaşlar”a baxın. Ola bilər, faydası sizin deyil, zərəri ki sizindi, niyə səsiniz gəlmir? Niyə bir yazarın müzakirə havasında yazdığını, həm də kitabını oxuyaraq yazdığını səbəb gətirib ruhunu xatırlamaq belə istəmirsiz, kafir adlandırırsız, amma üstünə rəngbərəng parçalar bağlanmış, nəzirlər düyünlənmiş, göydə “uçan”, arada təkcə pula-nəzirə əyilən, yüzdəyüz bütpərəst simvolikası olan, cəhalət təlqin edən, mövhumat yayan, qorxu və xurafat aşılayan dəmir parçasından şəfqət diləməyin, nəzir verib umacaq bəsləməyin, ondan qorxmağın, ona inanmağın küfr olduğunu demirsiz?! Axı sizin hər birinizin hörmətinizi saxlayan, sözünüzü dəyərli bilən, biliklərinizə inanan insanlar var. Mövqeyinizi bildirin, bildiyinizi deyin, dinimiz itirməz bundan, qazanar yəqin...
Bu ölkənin “uçan ələmlər”, qaçan canbazlar, “yanmayan Quran”lar, kabus kimi dolaşan fətvalar ölkəsi olmasını kim istəyir? Biz istəmirik.
Biz bayrağımızın altındayıq...
--sitat--
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
yar kəlləni aşura günü yar, öküz oğlu
xəncir ilə idrakını da sar, öküz oğlu.
hər millət əgər elm ilə uğraşsa da, sən get,
“ şaxsey” bağırıb böyləcə çək car öküz oğlu.
qoy molla cebin dolduraraq rövzə bağırsın,
döy gəllənə sən ağla da zar-zar öküz oğlu.
sındır qələmi, yax kitabı, ağlını susdur,
çün böylə buyurmuşdur imamlar öküz oğlu.
daim ömərə lənət oxursun gecə-gündüz,
islam kitabında beləmi var öküz oğlu?
quranı açıb bir kərə əsla oxumazsan,
bax gör necə qırmışdı da əfsâr öküz oğlu!
ol başla düşünmək gərəkirkən nədən öylə,
qan içrə batıb gör necə barbar öküz oğlu.
təxminən 100-il keçib bu şerin yazılmasından, ama hələ də qalmışıq bu öküz oğullarının əlində.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
hiyləgər müaviyə hələ sağ ikən oğlunun yerini möhkəmləndirmək üçün onun adına beətlər almış, bir növ sülaləsini sığortalamışdır. hz.hüseyn isə, yezidin islam ehkamlarına düzgün əməl etmədiyini bildirmişdir.
əməvilərin şam hökuməti bu dövr yalnız haşimi yox, həm də zübeyr oğullarının da etirazına məruz qalmışdır.
anma, bu iki etiraz arasında olan əsas fərq birinin tam siyasi, digərinin isə din olmasıdır. hüseynin kərbəla qiyamının hakimiyyət üçün baş verməməsinə əsas dəlil açıq-aşikar qeyri bərabər döyüşdür.
tarixi mənbələr imam hüseynin mədinədə olarkən kufədən minlərlə dəvət məktubu aldığını təsdiqləyir. imamın bu səbəbə yola çıxdığı düşüncəsiylə də hakimiyyət üçün kufəyə gəldiyi fikri də iflasa uğrayır. çünki, məhərrəm ayının 2-si kərbəlaya çatan imam hüseyn 8 gün ərzində düşmənin sayından xəbərdar olmuşdur. bu cür qeyri bərabər toqquşmada siyasi manevr heç şübhəsiz müvəqqəti beət olmalıdır.
digər məsələ aşura qabağı, o gün və aşura sonrası törədilən vəhşiliklərdir. aşura öncəsi imam hüseynin əmisi oğlu müslüm ibn əqil və iki yeniyetmə oğlunun edamı. kufədə yazılan məktub sayı ilə heç də uyuşmayan azsaylı haşimi tərəfdarlarının amansız öldürülməsi. aşura günü su fəryadı ilə qaldırılan imam hüseynin körpə oğlu əli əsğərin boğazından oxlanması, hüseynin xeymələrinə (çadır) su aparmaq istəyən ögey qardaşı abbasın (əbəl fəzl) suqabısının oxlanması, gözünün oxlanıb qollarının kəsilməsi. aşura sonrası imam ailəsinin üzləşdiyi işgəncələr, məzəmmətlər ən bariz zülm və məzlumluq nümunəsidir.
imam hüseyn o günün gecəsi könülsüzləri qaranlıqda azad buraxmaqla onun üçün tək döyüşməklə arxasında ordulu döyüşməyin fərqinin olmadığını sübut etmişdir.
bir ayrı acınacaqlı hal həm inananın, həm də inanmayanın yekdilliklə razılaşdığı ifratdır. bəli. hətta yasın və əzadarlığın da bir ədəbi, bir ölçüsü vardır. bellərə möhkəm döyəclənən zəncirlərlə kərbəla müsibətini anlamaq mümkünsüzdür.
tam əmin olun ki, onları qırağa çəkib aşuranın tarixi, bu müsibətin fəlsəfəsi haqqında soruşsan, dolğun cavab almayacaqsan. bu fanatizm və bilik darlığınnan başqa bir şey deyil.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
üzv ol