+18 əjdaha
1. Hörmətli müəllim,Oğlumu sizə əmanət edəcəyimə görə bu məktubu sizə yazmağı vacib bildim.
Ona öyrədin ki, hamı dürüst və ədalətli deyil. Amma hər alçağa qarşı bir qəhraman, şəxsi mənafeyini güdən siyasətçiyə qarşı isə özünü ölkəsinə fəda etmiş bir lider mütləq var.
Hər düşmənin əvəzinə bir dost mütləq var.
Vaxtınızı alacaq, bilirəm, amma imkan olsa, ona öyrədin ki, qazanılan 1 dollar, tapılan 5 dollardan daha dəyərlidir.
itirməyi də öyrədin ona, həm də qazanmaqdan həzz almağı.
Onu qısqanclıqdan uzağa yönəldin.
Ona səssiz gülüşün sirrlərini öyrədin.
Elə edin, zorakılığın zahirən qalib olduğunu öyrənsin.
Əgər bacara bilsəniz, ona kitabların möcüzəli bir şey olduğunu öyrədin.
Ona səssizlikdə göydəki quşların, günəşdəki arıların, çəmənlikdəki güllərin daxili sehrinə enməyi öyrədin.
Öyrəşsin ki, məktəbdə səhv etmək hiylə gəlməkdən daha şərəflidir.
Hamı onun səhv olduğunu desə də, öz fikirlərinə inanmağı, nəzakətli insanlara qarşı nəzakətli, kobudlara qarşı kobud olmağı öyrədin.
Hamı bir-birindən yapışıb gedəndə, kütləyə qoşulmayıb öz yolu ilə gedə bilmə gücü verin oğluma.
Bütün insanlara qulaq asmağı, qulaq asdıqlarını həqiqət ələyindən keçirib, ancaq yaxşılarını özünə götürməyi, bacarsanız, kədərlənəndə belə necə gülə biləcəyini öyrədin ona.
Ağlamağın utandırıcı bir şey olmadığını, gücünü və beynini ən yüksəl qiymət təklif edənə satmağı, ancaq ürəyinə və ruhuna qiymət etiketi qoymamağı, ulayan insan kütləsinə qulaqlarını tıxamasını və əgər özünün haqlı olduğuna inanırsa, dimdik dayanıb mübarizə aparmağı öyrədin ona.
Ona qarşı mehriban olun, amma qucaqlamayın. Çünkü yalnız odun qıvılcımı poladı saflaşdırır.
Elə edin, səbrsiz olacaq qədər cəsarətə sahib olsun.
Elə edin, cəsur olacaq qədər səbri olsun. Ona həmişə:
Özünə inanmağı öyrədin.
Beləcə bəşəriyyətə də inamı daim olacaq.
Bu, böyük tələbdir, özünüz baxın, nə qədərini bacararsınız.
Hörmətlə,
Abraham Lincoln.