1. Bu düşüncə şəklinə görə bir şey ya ağdır, ya da qaradır. Ortası yoxdur. Yəni təxəyyül və yaradıcılıq yox sayılır.
Ya da bir insan ya yaxşıdır, ya da pisdir. Bu fikirlə qətiyyən razı deyiləm, çünki bir insan mütləq şəkildə yaxşı və ya mütləq şəkildə pis ola bilməz.
Ya yaradanın varlığına inanırsan, ya da ateistsən. aqnostik olma kimi bir seçimin yoxdur.
Siyasi kontekstdə tez-tez istifadə olunan, tarixi əslində çox uzaqlara gedib çıxan belə bir ifadə var: you're either with us, or against us. Ya bizimləsən, ya da bizə qarşısan. Yəni ya mənimləsən, ya da düşmənimsən. Buna oxşar ifadəni Corc Buş 11 sentyabr hadisəsindən sonra işlətmişdi: "Either you are with us or you are with the terrorists."
Bunlar kimi daha neçə-neçə misallar gətirmək olar. Amma söhbəti mənasız yerə uzatmağa dəyməz.
Qısacası binary thinking insana bir növ seçim haqqı vermir. Onun düşüncə sahəsini kiçildir.