ermənistanla barışıq sazişi imzalanması ehtimalı

| siyasət

əjdaha lazımdı   googllalink

    1. Əslində belə bir başlıq açmağımın səbəbi digər yazarların bu barədə fikrini öyrənməkdir. Mənə gəlincə Yaxın gələcəkdə belə bir ehtimalın olmasını istəməzdim. Səbəb erməniləri düşmən gözü ilə görməyim deyil, hətta bu mövzuya qarşı neytralam deyərdim. Bir iki dılğırın etdiyi qələti bütöv bir millətin üstünə yıxası deyiləm, hətta bu dəqiqə irəvana qoşun yeritsəydik eyni vəhşiliyi bizim əsgərlərin də etməyəcəyini qarantiya edə bilmərəm. Amma barışıq məsələsi biraz qəliz məsələdir. Tak deyə cavab vermək olmur. Bir tərəfdən hər hansı bir millətlə daim düşmən şəraitində yaşamaq bir müddət sonra balqabaq dadı verməyə başlayır, bir tərəfdən də hər iki tərəf də eyni ideologiya ilə böyüdülüb deyə daim bəlkə də artıq gərəksiz olan bir nifrət var arada. Yəqin ki sadəcə mənə olmur bu, daim xocalıda baş verənlərin danışıldığı, işgəncə görmüş həmvətənlərimizin şəkilləri göstərilərək "erməni vəhşiləri görün nələr edib" deyilərək böyüdülən bizlər istər-istəməz erməni adı gələndə, ya da xarici ölkədə bir erməni ilə rastlaşanda önyarğılı oluruq, soyuq davranırıq, hətta ikrah hissi belə oyanır içimizdə ( tutub döyənlər belə var).
    "Sabah birigün yenə müharibə başlasa bəs necə" Düşüncəsi ilə yaşamaq da istəmir insan. Müharibədən filan qorxduğum yoxdur, lakin dünyada indiyə qədər baş verən bütün müharibələr mənə mənasız gəlir, günün sonunda əslində qazanan heç kim olmur. Tərəflər məğlub olmur, Müharibənin gətirdiyi fəlakətlərdən əziyyət çəkənlərdir sadəcə məğlub olanlar.
    indi başqa bir ssenari qoyuram, tutaq ki, barışıq imzalandı, sərhədlər filan açıldı. Yəqin ki, 1, hətta 2 nəsil boyunca bu nifrət soyumayacaq, bura gələn ermənilər burda, ora gedən azərilər də orda daim problem çıxardacaqlar. Uşaq yaşlarından etibarən o qədər qaz veriblər ki, mənə görə indi onu çıxartmaq demək olar ki mümkünsüzdür. Amma günün sonunda bunun siyasi bir oyun olduğunu görməmək üçün kor olmaq lazımdır, mövcud hakimiyyətin qarabağı önəmsədiyini filan düşünmürəm.
    Bəlkə də mən böyüdürəm məsələni, bəlkə də aradakı buzlar tez əriyərdi, necə ki indi göt qorxusundan heç kəs rusları düşmən kimi görmək istəmir, ancaq vaxtilə bunun kimi qətliamların bəlkə min dənəsini törədiblər. Nəysə...
    2. Başqada edəcəyimiz bir pox yoxdur onsuz. Adamlara hər sahədə uduzmuşuq. Demokratiyanı falan demirəm hələ 2020ci ildə şəhərin mərkəzində polis camaatı evindən lüt çıxarır Azərbaycanda hələ üstəlik çəkib göstərir də. indi onlar və xaricilər necə loser və qorxaq millət olduğumuzu düşünürlər. Adamlar iT sahəsində irəliləyib bazara giriblər, bizdə isə sektorda maaş aşagı oldugundan, yaxşı gələcək olmadığından proqramçıların əksəriyyəti tərk edir Azərbaycanı. Yəni deməyə söz tapmır adam biz millət olaraq onsuz ölmüşük indi də qəbrimizin üstünə işəyirlər.
    3. onun kimi bir şeydi hal hazırki dövr.Bişkekdən sonra inanmıram bu torpaqlar qayıtsın
    4. Düşünülənin əksinə müharibədə qazanan tərəf olur. O da aranı qızışdıraraq daima tərəfləri əlində saxlayan ağıllı bir dövlət.

    Dünya müharibələrinin heç birii abş başlaymayıb. Ya müharibənin sonunda, ya da ikinci yarısında hadisələrə girişib. Avropadan da xeyli uzaq olduğu üçün də ərazisi böyük dağıntılara səbəb olmayıb. Amma yetim almaniya hələ də axmaq ölkələrə təzminat ödəməklə məşğuldur. Baxmayaraq ki, atom bombasını yaponiyaya o atmayıb. Yəhudilərə edilən qiyamın bəlkə də artığını rusiya bizlərə, abş hindulara, ingiltərə də aborgenlərə edib. Yenə də günahkar hadisənin başlanmasında adı gedən olur.

    Demək istədiyim odur ki, bu iki dılğır dövlətin bir yerləri üçün deyil barışıq. Bizim müharibəmizin qazananı rusiyadır (amma ilk abzasda yazdığım ağıllı dövlət bənzətməsini bunlara aid görmürəm, orası lap ayrı məsələdir). Bu böyük qaqa put in haçan istəsə, onda da barışıq imzalanar, yeri gələr bir il keçmədən ermənilərlə qardaş olaraq, əzəldən qardaşdır hayastan azərbaycan mahnılarını oxuyarıq. Gərək biz ondan qorxaq ki, bu şənlikləri formal da olsa müstəqil dövrlərində görək. Yeni ssri-də eston da bizə qardaş olar, tacik də.


sən də yaz!