1. Tam adı The Disappearing Spoon: And Other True Tales of Madness, Love, and the History of the World from the Periodic Table of the Elements, müəllifi sam kean olan və hal-hazırda oxuduğum kitab.
Bu Kitab sizə elementlərin dövri cədvəlini məktəbdəki kimya kitabınızdan tamam fərqli, əyləncəli, maraqlı üslubda öyrədir. 19 fəsildən ibarət olan kitabda elementlərin kəşfi, xüsusiyyətləri, onları kəşf edən alimlər və bu yolda başlarına gələn macəralar, müxtəlif dövrlərdə elementlərdən hansı məqsədlərlə istifadə olunması, onların bəşər tarixində rolu və s. haqqında xeyli məlumat ala bilərsiniz. Kitabın dili bir qədər yumoristikdir. Buna görə də öyrədici olmaqla yanaşı, həm də əyləncəlidir.