+17 əjdaha
1. bu sifarişi verən: benedictusgözdən itmək, guşənişin olmaq, özünü təcrid etmək, xarici aləmdən uzaqlaşıb dünyadan əlaqəni tamamilə kəsmək
inzivaya çəkilməklə bağlı ekşi sözlükdə tam olaraq hansı başlıqda olduğunu bilmədiyim bir * deyəsən elə inziva başlığı idi məlumatı buraya yazsam, uyğun olar deyə düşünürəm:
tibetlilər astral bədənlərini sərbəst buraxmaq üçün himalayın içindəki gizli monastrlara gedib kiçik hücrə olacaq şəkildə üstlərinə divar hördürürlərmiş. insanlar bu hücrədə 2-5 ilə qədər qalırlarmış. oradan çıxmaq isə, ya müəyyənləşmiş müddət ərzində dözüb həmin hücrədə qalaraq, ya da tabutla çıxaraq mümkün imiş.
tibeltinin orada qaldığı müddətdə yaşlı bir xidmətçi ona baxar. xidmətçi divardakı kiçik deşik vasitəsilə içəridəki şəxsə gündə bir dəfə su və çörək verər. əgər xidmətçi ölərsə,-ki ölməsi havanın çox soyuq olması və özünün də yaşlı olması səbəbilə çox normaldır- həmin insan da ölməyə məhkum olaraq orada buraxılar. bunun yalnız bir çıxış yolu var imiş: hücrədəki şəxs astral yolla yan monastrdakı sağ olan şəxsə gedib xəbər göndərməlidir. lakin, himalayın başında olan monastrlar bir-birindən çox uzaqda olduğundan, astral yolla belə həmin monastra gedib çatmaq 2-3 gün alar, buna kimi də onsuz, şəxs ölmüş olar.
tibetli dözüb həmin "inziva"dan sağ çıxarsa belə, həyatına davam etməsi çox çətin olacaqdır. illərdir işıq görməyən bədənə günəş şüalarının dəyməsi hədsiz ağrıya, qaranlıqda qalmaqdan göz bəbəklərinin funksiyasının pozulması isə işıq gördükdə dayanmadan yaşların axmasına, hətta qanamalara səbəb olacaqdır. bunun üçün əvvəl kiçik deşiklər açılır, dəri və göz alışana qədər yavaş-yavaş o deşiklər böyüdülür, sonda divar tamamilə sökülür.
çıxdıqda şəxs o qədər zəif düşmüşdür ki, iqlimə dözə bilməz, çox vaxt hücrəyə geri dönər, ya da ölər. amma bu demək deyildir ki, həmin tibetlilərin içindən sağ çıxan və normal həyatına davam edəni yoxdur.