1. azərbaycanlı yazıçı *namiq abdullayev*in sci-fi janrında yazdığı qısa hekayəsi.
hekayəni orta məktəbdə 4 və ya 5-ci sinifdə keçmişdik. o vaxt maraqlı gəlsə də, heç nə başa düşməmişdim. səbəb mənim mallığım deyil, o kitabı nəşr etdirən təhsil nazirliyinin günahı idi. *zamanda səyahət*, *işıq sürəti*, *atlantida* haqqında heç nə bilməyən aşağı siniflər üçün belə bir hekayəni dərsiliyə salmalarının məntiqini başa düşə bilmirəm. ən azından həmin hekayədən sonra izahedici məlumatlar yaza bilərdilər. heç müəllim də izah etməmişdi, bu mövzuları bilmədiyinə də əminəm.


--spoiler--

hekayənin mövzusuna gəlsək, antenello atlantidada yaşayan sadə bir balıqçıdır. bir gün dənizdə fırtınaya düşür və gələcəkdən gəlmiş bir qrup alim onu xilas edərək roketlə gələcəyə aparır. gələcəyə doğru işıq sürətinə yaxın sürətlə getdikləri üçün, gələcəkdə olanda artıq atlantida məhv olmuşdu. antenello inadla vətəninə, sevgilisinin yanına qayıtmaq istəyir. məcbur roketlə yola salırlar amma o roketi səhv zamanda endirir. və beləcə həyatının faciəsi baş verir - roket azərbaycana düşür! elmlər akademiyasının ailmləri antenellonun dilini öyrənib vəziyyəti başa düşürlər. vətəninə qayıtmaq istəyən antenelloya gənc alim qızımız başa salır ki, artıq onun vətəni yoxdur və o geriyə qayıda bilməyəcək.

--spoiler--


görünür ki, yazıçımızın fizika və kosmik bilgiləri birazca zəifdir. gələcəkdəki qız antenelloya vətənin məhv olduğunu və geriyə qayıda bilməyəcəyini deyir. zatən dövrün alimləri gedib gəlmişdi də atlantidaya, indi də bu bədbəxti göndərin. hekayə sci-si janrında olduğundan həmin dönəmdə zamanda səyahət mümkün olmalı idi.

amma və lakin, orta məktəbdə keçdiyimiz yerli ədəbiyyatdan bəyəndiyim iki hekayədən biridir. digəri *maqsud ibrahimbəyov*un *bütün yaxşılıqlara görə ölüm* hekayəsi idi.

hekayəni biraz inkişaf etdirib yaxşı sci-fi filmi çəkmək olar. məsələn, antenellonu gələcəkdən roketlə yola salırlar və azərbaycana düşür səhvən. bizim elmlər akademiyası alimləri roketi təmir edərək zamanda səyahəti kəşf edirlər. beləcə antenello vətəninə qayıdır. lakin ermənistanın azərbaycana təcavüzü davam edir və bu səbəbdən ixtiradan iz qalmadığı üçün bu kəşflərini dünyaya duyura bilmir bizimkilər. və *dünya birliyi bu ədalətsizliyə hələ də dözür*. gerisi sizin fantaziyanıza qalmış.
(baxma: back to the atlantida)

tam hekayəni aşağıdakı linkdən oxuya bilərsiz:
https://az.wikisource.org/wiki/Atlantidadan_g%C9%99lmi%C5%9F_adam