sülh tərəfdarlarının təklifi — ən bəyənilən yazılar

+13 əjdaha

1. Məndən əvvəl yazan "sülhsevər" məsələyə çox sadə,müxalifət prizmasından baxıb.Azərbaycan hələ müstəqil olmamış Qarabağ probleminin təməli atılmışdı,və döyüşdə indiki hakimiyyətin gəlişindən çox öncə başlayıb.Atəşkəsdə onların dövründə əldə edilib.Digər bir məsələ sülh olacaq,əzizim.Belə ki biz evimizə qayıtdıqdan sonra təbii ki sülh olacaq.Bax onda əsl sülh olacaq.Ölkədə terrorçunun nə işi var deyə sual vermisən (*daha dəqiq belədi sualın:elə bil ölkəni sülh istəyənlər idarə edir, təklif də onlardan gözlənilir. nə bilim, vallah, bəlkə, ölkə idarəçilərindən soruşmaq lazımdır ki, terrorun, terrorçunun ölkədə nə işi var və mən niyə vətəndaş kimi sənin idarəndə olan ölkədə özümü təhlükədə hiss etməliyəm, niyə başıma raket düşməlidir, ) Əzizim ölkədə terroçu var deyə sənin başına raket düşür,Xalq isə ordusunun köməyi ilə ölkə ərazisində əməliyyat keçirir ki, sənin kimi sülhpərvər insanlar daha çox yaşasınlar.Və o "sülhsevər" fikirlərin daha da çoxalsın..Hörmətlə.

+1 əjdaha

2. insanları elə vəziyyətə gətiriblər ki, şəhid xəbəri almaq, dinc əhalinin hər an başına raket düşmə ehtimalı, terror-falan söhbətləri "müharibə şəraitidir" deyib normalize edilir. Təbii ki, bu da sərf edir. Sülh istəyənlərə "Təklifin nədir?" sualı verilir, adam bilmir nə desin. Bilmirəm, vallah, bu sual - "insanlar ölməsin deyə təklifin nədir?" bəlkə, iqtidara verilməlidir, Allah eləməsin? Elə bil ölkəni sülh istəyənlər idarə edir, təklif də onlardan gözlənilir. Nə bilim, vallah, bəlkə, ölkə idarəçilərindən soruşmaq lazımdır ki, terrorun, terrorçunun ölkədə nə işi var və mən niyə vətəndaş kimi sənin idarəndə olan ölkədə özümü təhlükədə hiss etməliyəm, niyə başıma raket düşməlidir, kimsə sənin idarə etdiyin ölkədə əzizini, anasını-atasını, uşağını, evini-eşiyini itirməlidir? Təklifin nədir ki, bunlar olmasın? A, sorry, təklif veriblər əslində. Komendant saatında evində ol, tünlüyə girmə, maskanı tax, vəssalam. Bunları etməyib ölsən, günahkar sənsən.