+6 əjdaha
1. Ayers qayası və ya uluru kimi adlandırılan qayalıqdır. Qayalıq avstraliya ərazisindəki Uluṟu-Kata Tjuṯa milli parkında yerləşir. Buranı ilk dəfə 1870-ci ildə ingilis tədqiqatçılar Ernest Giles və William C. Rose kəşf etmişdi. Qayalıq 1863-1873-cü illərdə cənubi avstraliya bölgəsinin baş naziri olmuş sir henry ayersin şərəfinə belə adlandırılmışdır.Qayalıq tarixən avstraliyanın yerli sakinləri aborigenlərin müqəddəs ərazisi olmuşdur. onun yerləşdiyi ərazidə yaşayan anangu qəbiləsi buranı uluru, yəni "kölgəli yer" adlandırıb. Uluru qayalığının hər bir hissəsi aborigenlər üçün qədim və qiymətli hesab edilir. burada yağış sularının yaratdığı kiçik gölməçələr müxtəlif canlıların, o cümlədən aborigenlər tərəfindən qayalığın mühafizəkarları olaraq hesab edilən 1.8 metrlik zəhərli ilanların məskənidir.
Ulurunun səthini təşkil edən minerallar və dəmir ona xüsusi gözəllik verir. Günəşin vəziyyətindən asılı olaraq qayalıq sübh vaxtı narıncı, gün ərzində tünd qəhvəyi, günbatan zaman isə qızılı rəngə çalır. Yerüstü Hündürlüyü 348 metr olan qayalığa aborigen ənənələrinə əvvəllər yalnız kişilər dırmana bilirdilər, amma daha sonra avstraliya hökumətinin qərarı ilə turistlərin marağını cəlb etmək üçün onların da dırmanmasına icazə verildi.
Qayalıq 1987-ci ildə UNESCO-nun ümumdünya mədəni irs siyahısına, 1997-ci ildə isə ümumdünya təbii irs siyahısına daxil edilib və hər iki siyahıya düşən nadir abidələrdən biridir.
