xudayar yusifzadə



əjdaha lazımdı   googllalink

    1. Azərbaycan silahlı qüvvələrinin giziri, Vətən müharibəsinin şəhidi. Tovuz döyüşlərindən sonra könüllü olaraq döyüşmək üçün müraciət etmişdir. Füzulinin azad olunmasından sonra oradakı yeni yaradılmış sərhəd-keçid məntəqəsində xidmətə başlamışdır. Kəlbəcər, Cəbrayıl, Zəngilan istiqamətində döyüşlərdə könüllü olaraq iştirak etmişdir.

    Kəlbəcər rayonu istiqamətində, Murovdağ yüksəklikləri uğrunda döyüşlərdə iştirak edib. Bir müddət sonra Füzuli, Cəbrayıl, Zəngilan istiqamətində döyüşlərdə vuruşub. Zəngilanın Ağbənd kəndinin azad olunmasında şücaət göstərmiş və orada yaralanmasına baxmayaraq düşməni məhv etmişdir. Aldığı ağır yaradan sonra şəhidlik zirvəsinə yüksəlmişdir.

    Döyüşlərdən iki gün öncə Əliağa Vahidin sözlərinə yazılmış "Vətən yaxşıdır" mahnısını oxuyarkən döyüş yoldaşları ilə özünü videoya almışdır və həmin video qısa müddətdə trend olmuşdur. Xudayar Yusifzadə qələbəmizin simvoluna çevrilmiş, onun saf siması və gözəl səsi hər bir azərbaycanlının ürəyində isti izlər qoymuşdur.. Allah bütün şəhidlərimizə rəhmət eləsin.
    2. dastana dönmüş igid.

    heç kimin səsi əliağa vahidin sözlərinə səninki kimi yaraşmadı. heç bir səs bizə o mahnını bu qədər sevdirmədi.
    o mahnının adı "vətən yaxşıdır" deyil artıq. "xudayarın mahnısı"dır o. ikinci qarabağ müharibəsinin mahnısıdır.

    illər keçəcək, yaşa dolacam, bəlkə qismət olsa qocalacam da, fərqi yoxdur, nəfəsim durana qədər, bu can bu bədəni tərk edənə qədər nə vaxt həmin mahnını eşitsəm, nə vaxt yadıma düşsə birinci sən gələcəksən ağlıma. "keçdi xəyalımdan öz mənim yurdum" dediyin kimi sən keçəcəksən xəyalımdan. gördüyüm hər uşağa, tanıdığım hər nəfərə sənin haqqında danışacam. üzündəki nurdan tutmuş, 2016-cı ildə əsgərlikdə olanda evinizin yanmasına və bununla evlilik arzunun ürəyində qalmasına qədər. geyindiyin formanın sənə nə qədər yaraşdığından tutmuş, səsindəki hüzura, hikmətə qədər.
    ananın sənin üçün axıtdığı hər damla yaşa, yatdığın torpağa, ürəyində qalan hər arzuya, yazdığın dastana, çatdığın məqama fəda olsun bütün cahan.

    sənin timsalında şəhid olan hər bir nəfərin ölümü belə mənim kimi milyonlarla heçliyin yaşadığı həyatdan qat-qat daha dəyərli, daha mənalıdır. ucaldığın məqamın mübarək, şəhadətin mübarək, şəhid adın mübarək!
    3. üzünə baxırsan ki, ortayaşlı, həyatını yaşamış, görmüş-keçirmiş biridir. sonra öyrənirsən ki, 22 yaşı var. onda sanki hər hərəkəti sənə daha maraqlı, mənalı gəlir. axı 22 nə yaşdı ki?! o nə yaşadı, nə gördü ki, hələ bir şəhid oldu?!
    hansısa şəhidi anmaq üçün şən mahnıya qulaq asılacaq deyilsə, gülərdim, inanmazdım amma oldu. səni anmaq üçün bütün bir xalq o "dastan"a qulaq asır. çünki, sən dastana döndün, xudayar. rahat uyu, əsgər qardaşım.


sən də yaz!