salmon dna

son vaxtlar gözəllik sektorunda trendə çevrilmiş tərkib.

Salmon DNA qızılbalığın spermasından, yəni toxum hüceyrəsindən alınan DNT-dir. Elmi adı polideoksiribonukleotiddır. məhsulların üzərində qısaca PDRN kimi yazılır.

adətən insanlar bu reaksiyanı verir: "dəriyə balıq sperması sürtürlər?"
Xeyr. Xammal laboratoriyada yüksək temperaturda emal olunur və 95%-dən yuxarı saflığa qədər süzülür. Prosesin bütün məqsədi zülalları yox etməkdir, çünki bədəndə allergiya və ya iltihab yaradan şey elə zülallardır.
Sonda qalan şey isə balıq toxuması yox, sadəcə təmiz DNT parçaları olur.

PDRN gözəllik sahəsindən əvvəl tibbdə dərman kimi istifadə olunub: yaraların sağalması, xüsusən diabetli xəstələrdə çətin sağalan ayaq xoraları. Yəni maddənin ilk vəzifəsi gözəllik yox, toxumanın bərpası idi.
Kosmetologiyaya keçidi Koreyada baş verdi. Həkimlər gördülər ki, toxumanı bərpa edən mexanizm dəri keyfiyyətinə də təsir edir və PDRN-i incə iynələrlə dərinin içinə vurmağa başladılar. Belə məhsullara isə "skin booster" deyilir. dolğu kimi həcm vermir, sadəcə dərinin öz keyfiyyətini hüceyrə səviyyəsində yaxşılaşdırmağa çalışır. bu tərkibin əsas gördüyü işlər dəri elastikliyini, nəmliyini, sızanaq izləri və qızartı kimi problemləri aradan qaldırmaqdır.

həkimlərin bu kəşfindən sonra maddə sosial şəbəkələrdə danışıldı, "salmon sperm facial" kimi məşhurlaşdı və bir neçə ay içində Koreya klinikalarından qlobal trendə çevrildi.

trend artmağa davam edir və PDRN tərkibli dəriyə qulluq məhsullarının istehsalı durmadan artır.

akselerasiya

startupların böyümə mərhələsi.

akselerasiya proqramları startup-ların qısa zamanda sürətli inkişaf etməsi üçündür. bu müddət ərzində founderlər mentor dəstəyi alır, investor əlaqələrini genişləndirir, gtm strategiyası hazırlayır və investisiya cəlb etmə şansına malik olurlar.

azərbaycanda intensiv akselerator proqramları isə innovasiyalar agentliyi - idda tərəfindən keçirilir.

klitor

müasir tibb ədəbiyyatına 1998-ci ildə girən dişi xarici cinsiyyət orqanı.

Avstraliyanın ilk qadın uroloqu Helen O'Connell çanaq cərrahiyyəsinə hazırlaşarkən dərsliklərdə ciddi bir boşluq gördü. Penisin sinir təchizatı hər cizgisinə qədər xəritələnmişdi, klitor isə tam dəqiqliyi ilə göstərilmirdi. bu isə cərrahlar və xüsusilə xəstələr üçün çox ciddi problem demək idi.

O'Connell araşdırma aparır və 1998-ci ildə Journal of Urologydə ilk işini dərc edir. Meyitlər üzərində apardığı disseksiya göstərdi ki, klitorun görünən hissəsi buzun sadəcə suda görünən hissəsidir: dərinin altında uretra və vaginanın ətrafına sarılan xeyli böyük bir erektil toxuma kütləsi var. Məqalənin əsas mövzusu da elə bu idi - klitorun uretra ilə nə qədər yaxın yerləşməsi, çünki cərrah bunu bilmədən əməliyyat edəndə sinirləri zədələyə bilər.

2005-ci ildə eyni jurnalda daha geniş bir icmal verdi. Bu dəfə təkcə disseksiya yox, MRT görüntüləri və toxuma analizləri də var idi.

Onun həmin məqalədəki əsas fikri isə budur: bu məlumat yeni deyil, 1840-cı illərdən ilk anatomik məlum idi, sadəcə tibb dərsliklərində qeyd etmirdilər.

çips

xırçıltı səsi dadına təsir edən junk food

nevroloq Massimiliano Zampini və psixoloq Charles Spence 2004-cü ildə araşdırma aparırlar və iştirakçılara qulaqlıq taxıb Pringles yedizdirirlər. eksperiment zamanı dişləmə anındakı səsi dəyişirlər. Çips eyni qalır, dəyişən yalnız səsin ucalığı və yüksək tezliyi olur.

nəticədə məlum olur ki, səs gücləndirildikdə insanlar eyni çipsi təxminən 15 % daha xırtıldayan və daha təzə qiymətləndirdilər. Bu iş 2008-ci ildə (bax: Ig Nobel mükafatı)

joy milne

ərinin qoxusundan onun xəstəliyini hiss edən tibb bacısı.

Joy Milne şotlandiyalı tibb bacısı olub. hiperosmiya adlanan vəziyyətə malik idi. Ərinin qoxusunun dəyişdiyini onun parkinson diaqnozundan 12-15 il* əvvəl hiss etmişdi.
daha sonra alimlər onu sınadılar: yarısı xəstələrin köynəyi olan 12 köynək verdilər. Joy həmin 6 xəstənin hamısının köynəyini düzgün tapdı. üstəlik "sağlam" qrupdan olan bir insanın köynəyini də Parkinson kimi işarələdi. həmin adama isə bir ildən qısa müddət ərzində diaqnoz qoyuldu.

Kütlə spektrometriyası ilə mənbənin dəri yağı - sebum olduğu müəyyən edildi və 2019-cu ildə ACS Central Science-də biomarkerlər dərc olundu. indi Mançesterdə bunun əsasında sürtmə (swab) testi hazırlanır.

daha ətraflı bax: https://pmc.ncbi.nlm.nih.gov/articles/PMC6487537/
sifarişi verən: mariya kürüsü

mis

antibakterial xarakterə malik olan material.

mis səthlər bakteriyaları öldürdüyünə dair rəsmi qeydiyyatdan keçib. belə ki, 2008-ci ildə ABŞ Ətraf Mühitin Mühafizəsi Agentliyi mis ərintiləri üzərində test edir və görür ki, müntəzəm təmizlənən mis səthlər 2 saat ərzində bakteriyaların 99.9%-dən çoxunu, çirklənmədən sonra isə 99 %-dən çoxunu öldürməyə davam edir. ona görə də antimikrob səth kimi qeydiyyata alınır. beləliklə, bu statusu alan ilk bərk material olur.

Contact killing mexanizmi mis ionlarının hüceyrə membranını dağıtması və DNT-ni zədələməsi ilə bağlıdır. Səth cızılsa da, oksidləşib tündləşsə də bu effektini itirmir.

Buna baxmayaraq xəstəxanaların böyük əksəriyyəti hələ də paslanmayan polad istifadə edir, çünki mis bahalıdır və bununla bağlı daha geniş araşdırmalara ehtiyac duyurlar.

psixoloqa getmək

həyatda veriləcək ən doğru qərarlardan biridir. amma qıraqdan görünən qədər böyük də deyil.

özü ilə birlikdə özünü tanımaq, həyatı dərk etmək, yaşadıqlarına fərqli bucaqdan baxa bilmək və fərqindəlik bacarığı gətirir.

əvvəl elə bilirsən ki, seanslar təsir etmir. bir müddət sonra isə düşüncə və davranışlarında dəyişiklikləri görəndə sevinirsən.

həyata davamlı daxil ediləcək şeydir. lap heç nə olmasa belə professional coachla, ya psixoloqla danışmaq insanı özünə qaytarır.

bədənimiz xəstələnəndə həkimə getmək kimi bir şeydir, çox da fərqi yoxdur. rutin vitamin kontroluna gedirik, eləcə də psixoloqa.

hər cür sağlamlıq matters. bizim öz bədən və daxili dünyamızdan başqa nəyimiz var ki? belə baxanda heç nəyimiz. ona görə vaxtında qayğı göstərmək və müdaxilə etmək yaxşıdır, sonra üstümüzdə bir yığın yüklə gəzməyək.

psixoloqa getməyə anlam yükləyirdim əvvəl, heç ona da ehtiyac yoxdur. həyatdır da, nəsə olur dəstək alırsan. sonra keçir, sonra başqası gəlir. heç nəyin tam keçmədiyini öyrənmək lazımdır yavaşdan. onsuz da seanslarda əsasən şeyi öyrənirik: səni narahat edən şeylərin varlığını qəbullanaraq, onu bir qırağa sakitcə qoyub davam etməyi.

yaşayırıq. yaxşısı ilə, pisi ilə. seçimlərimizin çörəyini yeyərək.
çox da şey etməmək lazımdır günün sonunda. və özümüzü qucaqlamaq.

gusto

(baxma: gustoya sahib olmaq)
Son 1-2 ildə sosial media vasitəsilə həyatımıza girən jarqon.

latınca gustus sözündən əmələ gəlib, "dadma, dad" deməkdir. jarqon olaraq isə insanın sahiblənərək inkişaf etdirdiyi zövq mənasına gəlir.
Yəni hansısa zövqün artıq rutindən daha çoxuna çevrilib və özününküləşdirmisənsə, gusto sayılır.

məsələn, hobbi kitabı oxumaqdır. gusto isə kitabı oxumaq, paylaşmaq, kitab klubu qurmaq, oxuduqları haqqında kontent yaratmaq, podcast etmək və s. bir sözlə, həmin maraqda dərinləşmək.

gustoya sahib olan sevdiyim məşhurlardan biri tom hanksdır. hollivudun "daktilo padşahı" kimi tanınır. daktilolardan ibarət geniş kolleksiyası var. onları alıb bərpa edir, dostlarına daktiloda məktub yazıb göndərir.
hətta digital daktilo hesab olunan "hanx writer" tətbiqini də o yaradıb.

gustosunun pik nöqtəsi isə məncə, budur - 2017-də Uncommon Type adında kitabı çap olunur və bu kitabı tamamilə daktiloda yazıb. 17 hekayədən ibarət olan bu kitabın hər hekayəsinin içində də bir daktilo var...

lokalda sevdiyim nümunələrdən biri aysel quluzadədir (ig - aysel.guluzada)
kofeyə olan sevgisindən yaranan kontentlər artıq onun həyatının böyük bir hissəsini tutub və işinə çevrilib. səhifəsindən buram-buram kofe eşqi yağır.

gustonun işə çevrilməsi isə zövqün çata biləcəyi ən yüksək mərtəbələrdəndir. çünki zövqünü satış üçün istifadə etmirsən, tam əksinə, o özü sənə gəlir gətirir.

qızların alicənab yerinə avara adam seçməsi

hamısı valideynlərin günahıdır. dhjf.

formalaşdığı periodda nə görübsə, şüuraltı üçün güvənli olan odu. fərqi yoxdu toksikdi, avaradı, narkomandı ya nə. münasibət anlayışında komfort zonası "kişi - avara" olan qız gedib avara tapacaq. hətta avara istəməsə belə.

həmişə atasıyla anasının arasında qalıbsa, gedib üçbucaq münasibət tapacaq və s.

gərək ki, münasibət anlayışını yenidən dəyərləndirsin. nələr özününkü deyil, sadəcə ötürülüb - onları görsün. keçəndən sonra da yenidən münasibət anlayışı formalaşdırsın.

sonra istəsə də avara seçə bilməyəcək. zehnində qalanlar qırılıb gedib işinin dalıyca çünki.

gardasil

(baxma: HPV)-yə qarşı peyvənd.

cinsi həyata başlamamışdan qabaq və daha az yaşlarda vurulması tövsiyə olunur. amma cinsi həyatı olan, hətta HPV-yə yoluxmuş insan da vurdura bilər. bu halda HPV-nin təsir gücünü xeyli azaldır. məsələn, 2-3 ilə başqa şeyə çevriləcəksə, bunu uzadıb 6-7 il edir. (həkimlərin yalançısıyam.)

bir də paralelində sağlam qida, idman, sağlam həyata başlayırsansa, lap yaxşı. virusun təbiəti budur: çəkilib getmək. 1-2 təkan və davamlılıq bəs edər.

peyvəndin bir şeyi pisdir ki, bahadır və HPV-nin bütün genotiplərinə qarşı qorumur. həm də 3 dəfə vurulmalıdır və ölkədə 350-dən daha aşağı görməmişəm hələ. lap ucuza da qaçmağa adam qorxur.

amma və lakin: hər qəpiyinə dəyir.

hə bi də: qorunun.

bonus: adam gərək münasibətə başlayanda qarşı tərəfdən sağlamlığı ilə bağlı analizlər tələb etsin. üz və sağlamlıq yaxşı şeydir.