1. Mənbəyi Cənubi Asiya olan sufi musiqi janrı. Deyilənə görə, əsası 13-cü əsrdə Delhidə yaşamış Sufi müqəddəsi Əmir Xosrov tərəfindən qoyulmuşdur, və o dövrdən bəri bu musiqi Sufi məbədlərində ibadət zamanı oxunurmuş. Qəvvali musiqisinin sözlərini adətən islam dini ilə bağlı olan qəzəllər təşkil edir və bu qəzəllərin mətni Məhəmməd Peyğəmbərin və imam Əlinin mədhiyyəsi məzmununda olur. Qəvvalinin ən məşhur ifaçılarına Nüsrət Fateh Əli Xanı, Əziz Mian Qəvvalı və Səbri qardaşlarını misal göstərmək olar.