+22 əjdaha
1. Mənası özəl tikiş, sifariş əsasında hazırlanmış geyim olub, kökü fransızcadan gələn moda terminidir.Kəndlərdə, ucqar yerlərdə nənə-babalarımızın parça alıb şəxsə özəl geyim tikməsi, hazır almaması haute couture'a oxşardır, lakin aid deyildir. Haute couture daha çox elit insanların geyim formasıdır. Lakin, bu "elit insanlar"dan günümüzdə sadəcə 4000-ə yaxın nəfər qalıb, bunlar da təxminimiz üzrə məşhurlar deyil, dünyanın ən varlı ailələrinin üzvləridirlər. Haute couture geyim alan şəxslərin sayının bu qədər az olmasının iki səbəbi var:
1) tək parçalıq, sadə bir haute couture geyimi təxminən 20000-30000 arası dəyişərkən, gecə geyimləri, klassik geyimlərin qiyməti altırəqəmli qiymətlərə yaxındır;
2) günümüzdə xüsusi hazırlanmış geyimlərdən çox, pret-a-porter (hazır geyimlər) üstünlük verilir.
Haute couture-a gəlinlik tikilməsini də aid edə bilərik, lakin burada yalnız gecə, xüsusi dəvət geyimlərindən əlavə, gündəlik geyim də hazırlanır.
Haute couture markası yoxdur, haute couture geyim hazırlamaq üçün atelyesi olan marka vardır. Bu atelyeni də açmaq o qədər asan deyil. Bunun üçün chambre syndicale de la haute couture adlı sindikata üzv olmaq lazımdır. Bu sindikata üzv olmaq üçün isə, işçilərin sayından tutmuş maaşına qədər, hər sezonda çıxarılacaq seriyaların, parçaların sayı və s. Kimi qəti şəkildə təyin olunmuş qaydalara riayət olunmalıdır.
Haute couture atelyelərinin çoxu bağlanmaq üzrədir, bəziləri isə öz varlıqlarını qorumağa davam edirlər. Məsələn, bildiyim qədərilə, balmain, yves saint laurent, balenciaga, nina ricci, guy laroche kimi markaların haute couture atelyeləri bağlandı. versace, chanel, christian dior, elie saab və s. Kimi markaların atelyeləri hələ də fəaliyyət göstərir.
Mənim ən sevdiyim haute couture dizayneri elie saabdır.
Möhtəşəm geyimləri ilə kiçik yaşlarımdan məni məndən alır. Marka ilə tanışlığım hər qızın bir zamanlar moda yarışları etdiyi stardoll oyun platformasında mağazaya bu markanın gətirilməsi ilə başladı. Geyimlərin, gəlinliklərin parıltısı, tüllərin zərifliyi, bel hissəsinin modelin belinə tam oturması və s. Kimi amilləri çox bəyənmişdim, hələ də elədir.
Livanlı Elie saab üçün "moda ilə sənəti birləşdirmiş adam" tərifini işlədirlər. Kişi möhtəşəmdir.
Bir neçə haute couture və elie saab nümunəsi:
