qəhvə dəmləmək metodları
| mədəniyyət1,195 | 2 | 32
əjdahalar googlla
kofe dəmləmək metodları
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
bir caffeine addict olmağım və durmadan hər şeyi araşdırmaq xasiyyətim mənə bütün kofe dəmləmə metodlarını öyrənməyə ya da haqlarında minimal məlumatları almağa itələdi. beləcə növlər:
hazır qəhvələrin dəmlənməsi: adından da göründüyü kimi heç bir aparata ya da alətə ehtiyac duymadan alıb düzəldə biləcəyiniz qəhvə növüdür. dadında istədiyiniz formaları ala bilərsiniz. müsbət tərəfi tez hazır olmağıdır mənfisi isə çox az caffeine dəyəri olmağıdır. yerinə 2 stəkan lənkəran çayı içsəniz daha çox caffeine alarsınız.
bir servislik qəhvə düzəldən maşınlar ilə dəmləmə: evlərinizdə alıb işlədə biləcəyiniz möhtəşəm aparatlardır. müsbət tərəfləri kofeni tez hazır etməyi, ortalama bir caffeine dəyəri verməsidir. mənfi tərəfləri isə baha olması, yalnız 1 servislik düzəltməsi və elektronik olmasıdır.
softbrew ( yumuşaq dəmləmə ): aparat formasında olur bildiyimiz çay qəfədanları ilə eyni prinsipdə işləyir. müsbətləri ortalamanın biraz caffeine dəyəri verməsidir, mənfisi kimi isə çox kofe işlətməyi, orta üyüdülmüş kofe işlətdiyi üçün kofeni biraz zay etməyi deyə bilərik. səhər tezdən işə tələsə-tələsə gedənlər üçün idealdır.
french press dəmləmə metodu: yəqin ki, indiyə qədər yazdığım üsullar içində ən sevdiyim ola bilər çünki həm rahatdır, evdə hamı edə bilər, yaxşı caffeine dəyəri verir lakin mənfisi kimi çox isti olmağını və çox zərif olmasını demək olar. tez məhv olurlar başdan ayağa şüşə olduqları üçün diqqətlə işlətmək lazımdır.
siphon qəhvə dəmləmə: ən belə fancy, flashy görünən kofe dəmləmə metodurur amma işlevsel olaraq baxsaq french press-dən zəifdir. yenə çox zərifdi çünki şüşədən ibarət aparatdı. müsbəti yenə normal filter kofe içməyə yaxşı olmasıdı və gözəl dadları itirmədən sizə verməsidi. həm başda gələn bitter acı dadı və arxasınca gələn turşuluğu gözəl ötürür.
chemex qəhvə dəmləmə: filter qəhvə dəmləmə metodlarından biridir və siphon kimi dadı ötürmədə əladır lakin kofenin üyüdülməsində orta üyüdülmüş qəhvə lazımdır, mənfi tərəfi mənim subyektiv fikrimcə şüşə olmasıdır.
konik qəhvə dəmləmə : bu metodda istifadə olunan aparatmı deyim ya keramikmi qəribə işləyir amma əgər səyahətə filan çıxırsınıza möhtəşəmdir, rahat daşınır, balacadır, çox da zərif deyil. hər gözəlin bir eyni var amma aşağı caffeine dəyəri verir ki, qəhvəni cin kimi olmaq üçün içənlər üçün uyğun deyil. V60 dəmləmə aparatı bura aiddi.
espresso maşını ilə qəhvə dəmləmə: sən necə bir kralsan reyiz? ən yüksəf caffeine dəyəri, möhtəşəm dad, ətir, isti olması, yaxşı üyüdülmüş qəhvə işlədir. mənfiləri də çox böyükdür sadəcə, bahadır, çox böyükdür, daha çox coffeeshoplar ala bilir. daşınmaq söhbəti ümumiyyətlə yoxdur.
türk qəhvəsi dəmləmə: bəli, bəli səhv görmürsünüz türk qəhvəsi ayrıca özünə məxsus dəmlənmə metoduna sahibdir və ən ən ən yüksək caffeinə dəyərinə sahib qəhvəni verir sizə, amma çox acı dadı, içdiyiniz qəhvənin yarısının lil olması mənfilərdir amma türk qəhvəsi yenə favoritlərim listində gedir.
Aeropress qəhvə dəmləmə: çox maraqlı qəhvə dəmləmə metodudur, rahat daşınır, balaca və yığcamdır, ortabab caffeine dəyəri verir. təmizlənməsi də çox rahatdır.
Moka pot ilə qəhvə dəmləmə: gözümün ağı qarası moka potu ən sona saxladım. inanın mənə ən ucuz və espreso maşının əvəz edəcək səviyyədə yüksək səviyyədə caffeine dəyərli qəhvə verməsi, rahat yuyulması, çox zərif olmaması, neçə stəkanlıq olacaq şəkildə 1 nəfərlikdən 18 nəfərliyə qədər hər ölçüdə olan moka pot ilə qəhvə dəmləmə mənim ən favorit dəmləmə metodumdur. 2 mənfisi var mütləq qazla işləyən sobalarda qızır və nisbətən acılığı daha çox verir. çox da üyüdülməsinə də ehtiyac yoxdur qəhvənin . yəqin ki, haqqında daha çox ayrıca da yazaram.
bu metodlar içində ən məsləhət görə biləcəyim tək nəfərlik moka pot alıb öz qəhvənizi dəmləməkdir. qəhvəni də istənilən coffeeshopdan alanda moka pot üçün üyüdün desəniz istədiyiniz qəhvəni də alacaqsınız.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
15 il qabaq mırta nescafe alıb içmişdim, şirin südlü dadı çox xoşuma gəlmişdi. almaniyaya gələndə tələbə yoldaşlarımla kofe içməyə gedəndə kofenin zəhər kimi acı dadını hiss edəndə şok keçirdim. bunu necə içirsiz deyə, dostlarımdan soruşanda dedilər bu kofe maşını yaxşı deyil. əsl kofe yaxşı olur. beləcə mən də 7-8 ildir əsl kofenin dadına baxmaq üçün hər fürsətdən istifadə edirəm. yuxarıda sadalanan metodların hamısını yoxlamışam. işin kuliminasiya nöqtəsi otaq yoldaşımın espresso maşını oldu. adam espresso maşınına 2000 avro pul vermişdi. kofe üyüdən maşına isə təxminən 1500 avro. təbii ki, daha bahalı daha keyfiyyətli maşın ala bilərsiniz, ancaq otaq yoldaşımın maşını hətta biraz professional səviyyədə kofe dəmləməyə də yarayacaq maşınlardan idi. maşın deyirəm, hər şey manual idi. yəni kofeni özün üyüdüb, özün səbətə qoyurdun. kofenin səbətdə düzgün yayılmasına, təzyiqə özün baxmalı idin. maşın sadəcə səbətə sən istədiyin qədər təzyiqlə sən istədiyin müddətdə və temperaturda su vururdu. single shot espresso üçün adətən 8 gram üyüdülmüş kofe, 94 dərəcədə su, 11 atmosfer təzyiq və 20-25 saniyə dəm lazımdır, ancaq bu rəqəmləri zövqə görə biraz dəyişmək olar. digər kofe növlərinin, cappucino, americano, latte və s. hamısının bazasında espresso var. otaq yoldaşımın espresso maşınında təcrübə yığmaq mənim kofe ilə bağlı bütün suallarıma cavab verəcəkdi, və verdi də.
bir il, fasilələrlə, günə ən azı 2-3 dəfə espresso hazırladım. yuxarıda qeyd etdiyim rəqəmlərlə biraz təcrübə etdim. hansı şərtlərdə daha yaxşı kofe alınır, yoxladım. bu arada çoxları üçün yaxşı kofe anlayışı fərqli ola bilər. mənim üçün bu kifayət qədər güclü təsiri olsun, acı olsun ancaq turş olmasın. Biraz özünə güc versən, nə bilim 5-10 il tibetdə meditasiya edib, fokus bacarığını artırsan, hardasa şokolad tamını da hiss edə bilərsən, ancaq məndə çox da alınmayıb. Bəli bir illik təcrübəmdən sonra deyirəm ki, mənim üçün * zövqlər fərqlidir instant kofe yəqin ki, ən yaxşı kofe dəmləmək metodudur. səbəbini belə qeyd edərdim.
espresso maşını ilə hazırladığınız kofe həmişə yaxşı olmur. tam istədiyiniz kimi, kofe dəmləmək yüksək diqqət və dəqiqlik tələb edir. onu hazırlayana kimi adam yuxudan ayılır. məndə kofe üyüdəni işə salmaqdan maşının tam təmizlənməsinə qədər 4 dəqiqə yarım vaxt alır. təbii ki, əgər maşın əvvəlcədən 20 dəqiqə qızdırılıbsa. bundan başqa düşünürdüm ki, bahalı espresso maşınının sosial tərəfi də yaxşı olar. ancaq mənim qonaqlarımdan heç biri onlara verdiyim kofenin əslində 3500 avroluq avadanlıqdan çıxdığını hiss etməyib. əksinə uzun çəkməsindən şikayətləniblər.
indi isə biraz hazır kofedən danışım ki, nəyə görə mənə bu qədər uyğun olduğunu başa salım. xatırladım ki, kofedən içki düzəltməkdə ən böyük problem, kofenin suda pis həll olmasıdır. ancaq hazır kofe suda tam həll olur. buna necə nail olurlar? adətən kofe yuxarıda göstərilən metodların biri ilə dəmlənir. yəqin ki, nəhəng espresso maşınları ilə. sonra isə bu məhlul xüsusi texnika ilə dehidrasiyaya məruz qalır. ya kofe buxarı, qızdırılıb sudan ayrılır, ya da xüsusi kimyəvi metodlar istifadə olunur. nəticədə tamamilə suyunu itirmiş kristallar yaranır ki, su ilə təmas edən kimi həll olurlar. hazır kofe adi kofe dənələrindən daha ucuz olur. hazırlanması üçün heç isti suya belə ehtiyac yoxdur. əgər yaxşı markadan alsanız heç turşluğunu hiss etməzsiniz. istədiyiniz kimi də dozasını seçə bilərsiniz. hazır kofenin dozasının az olmasından gileylənmək mənasızdır, çünki, sadəcə daha çox kofe əlavə edə bilərsən. ola bilər ki, siz dadından şikayətlənəsiniz, ancaq bu entrydə çatdırmağa çalışdım ki, kofenin müxtəlif növlərini kifayət qədər intensiv yoxlamış biri olaraq deyim ki, dad fərqini hiss etmək çətindir. hiss etsən də, espresso maşını alacaq və istifadə edəcək qədər fərq deyil. bahalı espresso maşını almaq maddi cəhətdən öz dəyərini ancaq 5 il falan işlədəndən sonra göstərir, əgər ancaq evdə kofe içməyə qərar versəniz. yox əgər yaxşı kofeni arada dost tanışla görüşəndə içməyi sevirsinizsə, adi gündəlik kofein ehtiyacınızı başqa yollarla ödəyirsinizsə, onda espresso maşını almağa dəymir.
üzv ol