Sözaltı Sözlük - Azərbaycandilli Fikir Ensiklopediyası

+4 əjdaha

2. qardaşlarımın ruhunun gəzdiyi ali hərbi təhsil müəssiəsi.4 ilimi keçirdiyim məkan.bizlər üçün həyat fəlsəfəsi , kənardan baxan uşaqların "ana əsgər əmilər burda olur?" Sualını verdiyi həmin o məkan.
hə, balaca, əsgər əmilər 4 il orda olur, sonra leytenant əmi oluruq, sonra da haradasa bir xain gülləyə tuş gəlib ya yarımcan qalırıq, ya da bayraqlı tabutla qayıdırıq.amma şərəf duyuruq..

+3 əjdaha

1. azərbaycanda bakalavr səviyyəsində təhsil verən tək xüsusi təyinatlı ali hərbi təhsil müəssisəsi.
azərbaycan xalq cümhuriyyətinin ikinci hökümət kabineti dövründə 26 iyun 1918-ci ildə milli ordu yarandıqdan sonra hərbi təhsil verən bir neçə müəssisə yarandı, ancaq daha sonra ssri dövründə bu təhsil müəssisələri təkmilləşdirildi. post-sovet məkanında ən yaxşı ali hərbi dənizçilik məktəbi azərbaycanda fəaliyyət göstərmişdir, hətta, vyetnamın indiki müdafiə naziri burada təhsil almışdır. adı müxtəlif dövrlərdə bakı komandirləri məktəbi, baki ali hərbi birləşmiş komandirlər məktəbi, ali hərbi məktəb olmuş, daha sonra 2003-cü ildə heydər əliyevin adı verilmişdir. 2011-ci ilə qədər 3 məktəbdən (ali quru qoşunlar məktəbi, ali hərbi dənizçilik və ali hərbi təyyarəçilik məktəbləri) birləşdirilmiş , 2011-ci ildən sonra hər məktəb bir fakültəyə çevrilmişdir. hal-hazırda heydər əliyev adına azərbaycan ali hərbi məktəbi adı altında fəaliyyət göstərir. ikinci qarabağ müharibəsində məktəbin 4-cü kurs müdavimləri də döyüşlərə qatılmış və onlardan 5 nəfər şəhid olmuş, 27 nəfər yaralanmışdır.