31 yazar | 15 başlıq | 73 entry
yenilə | gündəm

#son entrylər 73 yeni entry
#zirzəmi 15 yeni entry

sözlük yazarlarının telefon melodiyaları 13 mükəmməl sözlər 6 yazarların whatsapp statusları 6 sözlükçülərin bu yay ərzində getmək istədiyi şəhərlər 2 şəbi-hicran   bogota   yazarların whatsapp statusları 4 medellin   bursaspor   yazarların portmanatındakılar 6 politically correct 2 mükəmməl sözlər 2 sözlük yazarlarının telefon melodiyaları 8 cendere 3 sözaltı günlük   yazarların ruh halı 2 klipi ilə dinlənilməli olan musiqilər   nadir rast gəlinən ada sahib olmaq 3 roundabout   olacak o kadar 3 rambo okan   niger   djinni.co   zitoligiya   pivə   acı həqiqətlər 2 ingilis dilindəki qəliblər   black mirror | kino   peşmanlıq vs utanc 2 gecəyə bir mahnı paylaş 3 öz hərəkətindən utanmaq   amartizator 3 yazarların paylaşmaq istədikləri musiqilər 3 bmw e60   insan vücuduna səyahət   letterboxd.com   cum on feel the noize   arıqlama pəhrizləri   azərbaycan ədəbiyyatındakı ən yaxşı əsərlər   underrated və overrated futbolçular   river phoenix | kino   web whatsapp   lisey uşağı   məqalə   quran-i kərim   joe biden   nərmin şahmarzadə   ilham əliyev 2 kredit   güldürən dialoqlar 3 nostalgiya hissi verən şəkillər   elon musk   gəncliyi doya-doya yaşamağa qoymayan şeylər   venesuela   acı uşaqlıq xatirələri   türkiyə iqtisadiyyatı 2 sözlüyün tək işə yararlı bölməsi   intihar etməmək üçün səbəblər 3 öldürməyib süründürən şeylər   israil vs fələstin 2 adstrat   bella hadid   5 may 2022 elad terror aktı   aziza mustafa zadeh   camp speicher qətliamı   əzizə cəfərzadə   insanın böyüdüyünü anladığı anlar   oljas süleymanov   kamala harris   tattoo   uşaq sahibi olmağın mənfi tərəfləri   şirin abu akleh   muchenik | kino   boston celtics   milwaukuee bucks   giannis antetokounmpo   erkin qədirlinin sözləri   koroğlu ilə nigarın hekayəsi  









bakı ingilis general qubernatorluğu

|

facebook twitter əjdaha lazımdı   googllalink


    1. bu sifarişi verən: zazoza
    Mudros barışığının (1918) şərtlərinə əsasən, 1918-ci il noyabrın 17-də Bakını zəbt etmiş ingilis qoşunları komandanlığının hərbi-inzibati hakimiyyət strukturu.

    Belə ki, Birinci Dünya müharibəsində (1914-18) məğlub tərəf kimi Türkiyə öz qoşunlarını Cənubi Qafqazdan, o cümlədən Azərbaycandan çıxarmağa məcbur olmuş, Cənubi Qafqaz Böyük Britaniyanın təsir dairəsinə qatılmışdı. Öz tabeliyində kifayət qədər güclü qoşun hissələri olmayan Azərbaycan Xalq Cümhuriyyəti Hökuməti və yenidən toplanmış Azərbaycan Milli Şurası istiqlal prinsipindən geri çəkilməmək şərti ilə Bakıya gələcək ingilis generalı U.Tomsonla danışıqlara başlamaq məcburiyyətində qalmışdı. irandakı ingilis qoşunlarının komandanı general U.Tomsonla danışıqlar aparmaq üçün Ənzəliyə Nəsib bəy Yusifbəyli, Əhməd bəy Ağayev və Musa bəy Rəfiyevdən ibarət Azərbaycan nümayəndə heyəti göndərilmişdi. Danışıqların sonunda general U.Tomson 1918-ci il noyabrın 17-si gündüz saat 12-dən Bakı şəhərində hərbi vəziyyət elan olunacağını bəyan etmişdi. Hərbi vəziyyət müddətində U.Tomson Bakı şəhərinin hərbi qubernatoru elan edilirdi. Azərbaycan hökuməti noyabrın 18-də rəsmi məlumatında bildirirdi ki, müvəqqəti olaraq, yalnız Bakıya daxil olmuş müttəfiq qoşunları ancaq hərbi hakimiyyəti təmsil edəcəklər. Lakin ingilis hərbi komandanlığı Bakıda yerləşdiyi vaxtdan ölkənin ictimai-siyasi və iqtisadi həyatının bütün sahələrinə müdaxilə etməyə başlamışdı. Belə ki, 1918-ci il noyabrın 29-dan Xəzər donanmasının bütün ticarət gəmiləri də ingilis komandanlığının sərəncamına keçmişdi. Ticarət donanmasını idarə etmək üçün başda mayor Braun olmaqla, "ingiltərə Dəniz Nəqliyyatı" şirkəti təsis olunmuşdu. ingilislər sərəncamlarında olan Bakı ticarət limanının maliyyələşdirilməsini Azərbaycan Hökumətinin öhdəsinə buraxmışdı. Neft sənayesini də nəzarətdə saxlamağa çalışan ingilislər tezliklə "Britaniya Neft idarəsini" təsis etdilər. 1918-ci ilin dekabrından 1919-cu ilin avqustuna qədər ingilislər Bakıdan 113,5 milyon manatlıq 30 milyon puda qədər neft aparmışdılar. Onların göstərişi ilə Bakıdan daşınan bütün neft məhsullarına heç bir aksiz rüsumları qoyulmur və bütün yüklər maneəsiz buraxılırdı. General U.Tomson ingilis zabitlərini yoxlamağı Azərbaycan Cümhuriyyətinin dəmiryolu işçilərinə qadağan etmişdi.

    Mülki idarəçilik sahələrinə də müdaxilə edən ingilislər pul əsginaslarının buraxılmasını öz nəzarətinə götürmüş, əhalinin ərzaqla təminatı sistemini yenidən qurmuş, neft hasilatı və dəmiryolu sahələrində mövcud əmək münaqişələrini özləri həll etmək üçün Əmək idarəsi yaratmışdılar. ingilis komandanlığının əmri ilə Azərbaycan Hərbi Nazirliyi silahlı qüvvələri ilə birlikdə Bakıdan çıxarılaraq Gəncəyə köçürülmüşdü. Bütün bunlarla yanaşı, general-qubernator U.Tomson Azərbaycandakı ictimai-siyasi reallıqlarla tanış olduqdan sonra 1918-ci il dekabrın 28-də bəyanatla çıxış etdi: "Fətəli xan Xoyskinin sədrliyi ilə koalisiyalı Azərbaycan Hökuməti yaradıldığı üçün bəyan edirəm ki, Müttəfiqləri Komandanlığı Azərbaycan ərazisində yeganə yerli qanuni hakimiyyət kimi bu hökumətə tam dəstək verəcəkdir".

    (bax: General v.tomson) (bax: ingilis imperializmi) (bax: Azərbaycan xalq cümhuriyyəti) (bax: Məhəmməd əmin rəsulzadə) (bax: 28may)

    5 əjdaha!

    28.05.2021 01:05, zazoza


üzv ol