+2 əjdaha
1. female (qadın) və advertising (reklam) sözlərindən götürülüb və qadınlara müraciət edən, mövcud gender rollarına meydan oxuyan reklam deməkdir.Marketoloq Linor Qoralik yaxşı femvertayzinqin 6 özəlliyini qeyd edir:
1. Yaxşı femvertayzinq qadını heç nədə günahkar bilmir - nə görünüşünə, nə şəxsi münasibətləri qurmasına, nə də necə qidalanmasına və ya avtomobil sürməsinə görə; yaxşı femvertayzinq - günahkarı axtarmaq haqqında deyil;
2. Yaxşı femvertayzinq - qadını necə dəstəkləmək haqqındadır, yazıq/zavallı/bədbəxt qadını dəyişdirmək və ya xilas etmək haqqında deyil (tənhalıqdan, lazımsız tüklərdən və s.);
3. Yaxşı femvertayzinq qadınları kişilərlə müqayisə etmir - məsələ kimin daha “yaxşı”, "ağıllı” və ya “güclü” olmasında deyil, hər kəsin öz həyatını ləyaqətlə yaşaması haqqındadır;
4. Yaxşı femvertayzinq qadınları başqa qadınlarla müqayisə etmir (“Fatma bizim məhsulumuzu aldı və indi o, şirkət direktorudur, Nisə isə almadı və səfeh kimi oturub”) - yaxşı femvertayzinq istehlakçının özü və imkanları haqqındadır;
5. Yaxşı femvertayzinq qadının hər hansı həyat tərzini “pis” və ya “uğursuz” hesab eləmir (Uşaqla evdə oturmusan? - çox gözəl, uşağın yoxdur və işləyirsən? - çox gözəl, kosmosda yadplanetlilərlə bərabərsən? - yenə də çox gözəl);
6. Yaxşı femvertayzinq kişiləri incitmir, ittiham etmir, alçaltmır və mühakimə etmir. O, ümumiyyətlə, heç kimi incitmir və mühakimə etmir.
Femvertayzinq həm də feminist ideyalardan istifadə edərək qadın alıcılara daha çox məhsul satmaq və onları kapitalist münasibətin bir parçasına çevirmək istəyinə görə daima tənqidə məruz qalır.
link
