+4 əjdaha
1. bu sifarişi verən: yaşayan şəhidFərqli fikirdə, məzhəbdə, tərəfdə olan dövlət, qurum, partiya və ya şəxslərin bir amalda birləşməsinə verilən ad. Əsasən, seçkilər nəticəsində kabinetin formalaşdırılması üçün lazımi qədər səs toplayan partiya olmadığı zaman bir sıra partiyalar siyasi böhranın baş verməməsi, ya da siyasi böhranın bitməsi üçün razılığa gələrək hökuməti qurmağı qərara alırlar. Bunun üçün nümunə kimi israili göstərə bilərəm; 2019-cu ilin aprelində keçirilən seçkilərdə binyamin netanyahunun partiyası likud kifayət qədər səs toplaya bilmədiyindən netanyahu hər vəchlə müxalifətin hökumət qurmasına qarşı çıxaraq knesseti buraxırdı. Beləcə 2019-2021-ci illər arasında 4 dəfə seçki keçirilmiş, lakin heç birində iqtidar olmaq üçün kifayət qədər səs toplayan partiya olmamışdı. Sonuncu seçkidən sonra müxalifət lideri yair lapidə 2 iyun tarixinədək hökuməti qurmaq imkanı verildi, əgər qurduğu hökumət parlamentdə yetərli səs almasaydı, israil beşinci dəfə seçkiyə gedəcəkdi. Məhz bu anda lapid bir-birindən inanılmaz dərəcədə fərqlənən 8 partiyanı Netanyahunu göndərmək üçün birləşdirməyi bacardı. Tərkibində liberal, sekulyar, siyonist, mühafizəkar, rusdilli yəhudilərin qurduğu* avigdor libermanın partiyası partiyalarla yanaşı, ilk dəfə bir ərəbyönümlü islamçı partiyanın da daxil olduğu koalisiya yekun səsvermədə 59 əleyhinə, 60 lehinə səs alaraq 2009-cu ildən bəridir davam edən netanyahu dövrünü bitirdi.