...

sanpaku göz

|

facebook twitter əjdaha lazımdı   googllalink


    1. Sanpaku bir insanın gözlərinin müəyyən bir növünü ifadə etmək üçün işlədilən bir termindir. Gözün qarasının 3 tərəfdən ağı ilə çevrələnməsi halına deyilir. Yaponca 3 ağ mənasına gələn "sanpakugan" sözündən götürülmüşdür. Yaponlar* bu gözə sahib olan insanların həyatları boyu hər hansı bir psixoloji problemdən əzab çəkdiyini düşünür.
    Sanpaku gözlərin iki növü var: yin sanpaku və yang sanpaku.
    Əgər ki gözün ağı qarasını altdan çevrələyirsə buna yin sanpaku deyilir. Yaponlar yin sanpakuya sahib olanların fiziki və yaxud da zehni narahatlığa sahib olduğunu düşünürlər. Bu inanc depressiya, maddə bağımlılığı və yaxud da ağır xəstəliklərdən əziyyət çəkən insanların gözlərində sonradan yaranan dəyişiklər ilə inananları tərəfindən dəstəklənir.
    Yang sanpaku isə yin'in əksinə gözün qarasının üst tərəfdən ağı ilə çevrələnməsinə deyilir. Yin sanpakudan daha az görülən haldır və bu gözə sahib olanların ruh halının dəngəsiz olduğuna, bəzən həddən artıq əsəbi olduqlarına və bəzən də aqressiv və təhlükəli davranışlar sərgilədiklərinə inanılır. Bunun üçün də nümunə olaraq seriyalı qatil olan *Charles manson*u göstərirlər.

    Əlbəttə ki bunlar hamısı sadəcə bir inancdan ibarətdir. Bu növ gözlərə sahib olan bir çox məşhur vardır amma onların hər hansı bir psixoloji xəstəliyi olduğuna dair bir sübut yoxdur.

    Bir də shihakugan göz də vardır ki bu gözlər 4 tərəfdən də ağı ilə çevrələnmişdir. Bu gözə sahib olanların lider xarakterli, güclü xarakterli və dağıdıcı xarakterli olduqlarına inanılır. Çox mərhəmətsiz, zalım, "zəhərli" və yaxınlıq qurmağın çətin olduğu insanların bu gözə sahib olduğuna inanılır

    7 əjdaha!

    29.04.2022 20:35, suzuki akira


üzv ol


...