Görünür, reklam bloklayıcı istifadə edirsən. Biz də edirik ^^.
Reklamların cansıxan olduğunu anlayırıq, amma saytın istifadəsi hər
kəsə açıq qalsın deyə server xərclərini ödəməliyik. Artıq atamız
cibimizə pul basmır. Serverin xərcin çıxartmalıyıq. :')
1. Yuxuda olan zaman, bunun yuxu olduğunun fərqinə varılan yuxulara lusid yuxular deyilir. Lusid yuxularda oyanan zaman çox nadir hallarda yuxu iflici (qarabasma) baş verə bilir.
Bəzilərinə görə yuxudan oyanandan sonra yuxunu yazmaq, haqqında düşünmək, meditasıyalar etmək lusid yuxu görməyə kömək edə bilər.
2. Astrala cəhd edərkən çox insanın düşdüyü vəziyyətdir bu. Zamanla yuxularını idarə edə bilir insan və yuxuda olduğunu dərk edir. Buna da lucid dream deyilir. Astralla fərqi lucid dream özümüzün ani olaraq idarə etdiyi yuxu; astral səyahət isə metafiziki bədənimizin fiziki bədənimizdən uzaqlaşaraq ani olaraq fərqli məkanlara səyahət etməsidir. Vaxtikən parapsixologiya və metafizika ilə xeyli baş yorduğum üçün astral və lusidə gedən yolun eyni qapıdan sonra ayrıldığını deyə bilərəm. Belə ki, xüsusi meditasiyaları edib, sakit, xüsusi pozada və imaginasiya edərək uzandıqda bir qədər sonra bədəndə daxildən titrəməyə oxşar hiss gəlir. Gözlər yumulu olsa da ətrafda baş verənləri görür və eşidirsiniz, ancaq qədər eləsəniz də hərəkət edə bilmirsiniz. Bu vaxt məndə qulaqda uğultuya bənzər səs də olurdu. Adətən ilk zamanlar bu mərhələdə qorxurdum və dərhal ayılırdım. Sonralar isə davam elədim və davamında iki ehtimal olur; ya lusid yuxuya keçirsiniz, ya da astrala çıxırsınız. Astrala iki dəfə çıxdığımı zənn edirəm. Çox qısa çəksə də lusid yuxudan tam fərqli bir şey idi. Lusid yuxuda isə yuxuda olduğunuzu dərk elədiyiniz an ilk başlarda avtomatik ayılırsınız, sonralar təcrübə qazandıqca artıq ayılmaq əvəzinə ani olaraq davam edirsiniz və bir növ personajı ve rejissoru olduğunuz canlı bir filmin içindəymiş kimi olursunuz.