təkcə mənimmi başıma gəlir deyə düşünülən şeylər

21. Bilmirəm lap əvvəllər belə bir entri yazmışam ya yox çünki bir neçə dəfə realda yazdığımı düşündüyüm entriləri yuxumda yazdığımın fərqinə varmışdım amma yenə də yazacam hər ehtimala qarşı. Yuxumda əməlli-başlı dostlarım tanışlarım var. Və bəzi yuxularımda onlar məni qarşılayır və əylənirik, söhbət edirik zad. Məsələn bu gün bilmirəm neçənci dəfədir bu olayı yaşadım. Yuxumda bir dostum (real həyatda belə bir insan yoxdur) mənə WhatsAppvari bir app'dən yazmışdı və görüşmək istəyirdi. Mən də razılaşmışdım. işin qəribə yanı isə həmin o mesajlarda lap əvvələ gedəndə daha əvvəlki yuxularımdan olan mesajlaşmaları görə bilirdim. Danışdığımız söhbətlər və bir dahaki görüşümüzdə nə etmək istədiyimiz zad və s. Hamısı əvvəlki yuxularımdan idi. Və bu gün gördüyüm yuxuda da keçən dəfə etməyə razılaşdığımız şeyləri etdik. Bu gördüyüm yuxular arasında aylar qədər fərq var bu arada amma orda 1 həftə zad vaxt keçirdi hər söhbət arasında.
Bir versiyası da var bunun. Bir yuxum var orda isə üzünü heç görmədiyim (nə yuxuda nə də realda) amma dediklərinə görə ən yaxın dostum olan bir şəxsin evinə gedirəm onunla görüşmək üçün. Amma nədənsə o heç vaxt evdə olmur və onun nənəsi (məni nəvəsi qədər çox istəyirmiş) dostumu gözləməyim üçün evdə onunla qalmağımı istəyir. Mən də qəbul edirəm və bəzən sadəcə söhbət edirik, bəzən dostumun qardaşı gəlir deyib-gülürük üçümüz, ya da nənəsi nəsə həyətdə iş görür və mən də o evdə oturub televizor izləyirəm/əlimə keçən bir şeyi oxuyuram zad amma nə qədər gözləsəm də o dost gəlmir. Bəzən hətta o nənə və dostumun qardaşı zad bizim evə gəlir və oturub ziyafət təşkil edirik. Belə çox qəribə. Lucid yuxu da deyilmir buna çünki oyanandan sonra yuxu olduğunun fərqinə varıram ala* yalnız insan da deyiləm ki yuxularımın səbəbi yalnızlıq olsun

22. ictimai sanitar qovşağında olarkən məndə əvvəl içəridə olan vətəndaşın ortalığı pox gününə qoyması və məndən sonra daxil olanların mənim etdiyimi düşünməsinlər deyə o şərəfsizində poxunu təmizləmək məcburiyyətində qalmağım.

23. Gecə olan kimi kaş hər şey başqa cür olardı və filan səhvləri etməzdim kimi düşüncələrə qapılıram və peşmanlıqlarım məni rahat buraxmır.

Yalnız deyilsən!

Yalnız deyilsən!

Yalnız deyilsən!