...

otto delaney

|

facebook twitter əjdaha lazımdı   googllalink
sons of anarchy

    1. (bax: big otto)

    sons of anarchy serialında filmin rejissoru kurt sutter tərəfindən canlandırılan serialın mənə görə ən bədbəxt obrazlarından biri. kurt sutterin bir tərəfdən özünə torpil keçərək yaratdığı film/serial tarixinin ən əfsanəvi obrazlarından biridir.
    --spoiler--

    motosiklet klubunun(m/c) qurulmasında first 9 adlanan qurucu üzvlərdən biri kimi iştirak etmiş, sonra ikinci dərəcəli qətldən və maşın oğurluğundan həbsxanaya düşmüşdür. ilk vaxtlar 6 il həbs verilsə də sonra samcro adına içəridə çoxlu cinayətlər törətmiş və cəza müddəti uzadılmışdır. içəridə ilk öncə bir gözünü, sonra digərini, daha sonra isə dilini belə itirmiş, lakin kluba sədaqətini qorumuşdur. içəridə saysız-hesabsız cinayətlər işləyərək onsuz da öz azadlığını bir dəfəlik itirdiyi düşüncəsilə, klubdan bunlar qarşılığında tək bir istəyi olmuşdur ki, o da həyat yoldaşı pornostar, sonradan isə porno film rejissoru luann delaneyin qorunması idi. lakin klub bunu bacara bilməmiş və klubun səhvi ucbatından luann öldürülmüşdür. bunlardan sonra ottonun psixologiyası da pozulmuş, kluba ilk dəfə xəyanət edəcəyini dilə gətirmiş, lakin yenə də bunu etməmişdir. həbsdə dəfələrlə "sons of anarchy"ə görə işgəncələrə məruz qalmış, iki gözünü, dilini itirmiş, dəfələrlə qabırğaları, fərqli sümükləri qırılmış, bıçaqlanmış, hətta 6-cı sezonda bir köhnə "polis rəisi" tərəfindən təcavezə uğradılmış, demək olar ki, bütün səhnələrində insanın içinə od qoyan, bir insanın öz həyatını maksimum şəkildə necə puç edə biləcəyini göstərən bir əsər yaratmışdır.

    ən son, 6-cı sezonun 4-cü bölümündə klubun köhnə başçısı clay morrow tərəfindən içəri sızdırılan bıçaqla köhnə polis rəisi, xüsusi təyinatlı agent və həyatının son aylarını ona zindan edən(adamın həyatı onsuz da zindandan ibarət idi) lee toricin boğazını kəsdikdən sonra, otaqdakı digər polislər tərəfindən güllələnərək öldürülmüşdür.

    4-cü sezon 9-cu bölümdə samcro-nu bir dəfəlik içəri atmaq üçün kaliforniyadan göndərilmiş xüsusi cia agenti lincoln potterin bu cümləsi ottonun bütün həyatını demək olar ki, özətləyirdi;
    "You came to Stockton to do a six-year stretch. The moves you made in here for the club added another 30. You lost your freedom, your vision... your sanity. And now you're on death row. Seems to me there is a substantial inequity at play here."

    və ölümündən bir neçə ay əvvəl klubdan çıxdığını desə də, klubun da onu inkar etdiyinə baxmayaraq, ölümündə belə kluba sədaqətli qaldığı üçün, jaketi də klub tərəfindən məzarında yandırılır. ki, bu ritual da filmdə bir hörmət əlaməti sayılır.

    otto layiq olmadığı şəkildə yaşadı və öldü, ölümü ilə belə mənə 2 siqaret çəkdirmişdir. ümumiyyətlə serialın bütün bölümləri insanı haldan-hala salmağa qadirdir təəssüf ki. serialda klub üzvlərindən ekranda ən az göstərilənlərdən, lakin ən kilid rollardan birinə sahib idi, hansı ki, klubun başına bəla olmuş rico caseini bir tibb bacısını öldürərək, daha sonra ikinci dəfə bəla olan tibb bacısının qardaşı torici də bıçaqlayaraq klubu ömürlük həbsdən dəfələrlə qurtarır. həmçinin chucky-nin həbsdə öldürülməməsini təmin edir, klub üzvlərinin stocktondakı gözü, qulağı, dili olur, özü bunların üçündən də zamanla məhrum olsa da.

    --spoiler--

    öz sədaqəti ilə göylərə harley davidsonunun üstündə, ölüm mələkli jaketilə qalxmış əfsanə adam.

    12 əjdaha!

    18.08.2022 00:52, Derek


üzv ol


...