...

dəri tipləri

| sağlamlıq

facebook twitter əjdaha lazımdı   googllalink


    1. 4 əsas dəri tipi var: normal, yağlı, quru, karma(qarışıq).

    1) normal dəri tipi: adından da göründüyü kimi hər şey olmalı olduğu kimidir. Təbii, Canlı, "pürüzsüz" görüntülü olduğu kimi qulluğu da çox asandır. Dəri məsələsindəki qızıl ortadır. Digər dəri tipləri üçün edilən bütün qulluq vasitələri, əslində, dərini həmin bu "normal" dediyimiz halına gətirmək, bu cürə görünməsini təmin etmək üçündür. Dəriniz barədə heç bir problem yaşamırsınızsa, çox güman, elə bu tip dəriyə sahibsiniz.

    2) yağlı dəri tipi: bizim yağ dediyimiz şey, əslində, sebumdur. Yağlı dəri də dərinin həddən artıq sebum ifraz etməsiylə yaranır. Bu da dərinin həddən artıq parlaq görünməsinə gətirib çıxarır. Eyni zamanda, bu dəri tipi sivilcələnməyə də çox yatqındır. Bu arada, Dəridəki yağlılığa qidalanma kimi faktorlar da təsir edir, deməmiş keçməyək. Bu dərini davamlı şəkildə yuyub düzgün nəmləndirici istifadə etmək lazımdır. Yağlı dəri, həqiqətən də, Adamı obsessiyaya sala biləcək dəri tipidir. insan nə qədər əlləşsə də, daima yenə də o yağlılıq qalır, kirliymiş kimi hiss elətdirir*.
    Eyni zamanda, yağlı dəri tipinin alt kateqoriyası kimi yağlı, amma nəmsiz deyilən tip var. Oxuduğuma görə, bu dəri tipi əksərən kişilərdə olur. Bacımın iddialarına əsasən də, mənim dərim, əslində, bu tipdir. Amma mən qəbul eləmirəm bunu.

    3) quru dəri tipi: ən az nəmliyə və yağlılığa sahib dəri tipidir. Dəri daim quru, sərt formada olur və pullanmalara çox meyillidir. Qaşıntı kimi əlavə problemlər də yaradır. Quru dəri tipi həm günəşdən təsirlənib tez yanır, həm də qışda soyuğa tez reaksiya verdiyindən çatlar yaranır. Hətta çatlar soyuq olmasa belə yaranır. 1-2 nəfərdə görmüşdüm, evdən-eşikdən iraq, bu çatların qanamağa qədər yolu var.

    4) karma dəri tipi: özümün də sahib olduğumu düşündüyüm dəri tipidir. Həm yağlı, həm də quru(və ya normal) dəri tiplərinin qarışığıdır. Bu tipi "u" və böyük "t" hərfi ilə izah edirlər. Yəni t hərfinin üzümüzdəki proyeksiyası kimi alın, burun və çənə yağlı dəri tipinin əlamətlərini göstərdiyi halda, yanaqlar normal və ya quru dəriyə sahib olur. Üstəlik, iş tək bunla bitmir, hər zaman belə olmur. Bəzən Eyni bölgədə fərqli özəlliklərə sahib hissələr də olur. Bu tipinə sahib olanda dilxor olmuşdum ki, indi hər hissə üçün ayrı şey alım, sonra gördüm sırf bu tip üçün yaradılmış qarışıq məhsullar da var. Haha, əsl oğlan malıdır e, ikisi birində. (bax: yazarların gözəllik sirləri/-362696)

    Bir ara özümçün bir neçə "care product*" alasıydım. Dedim indi girib yazan kimi 3-5 şey çıxacaq, birin seçib alaram. Gördüm əlli cürə şey var. dəri tipinə gələndə, ümumiyyətlə, başım şişmişdi. Sözlükdə nə əcəbsə qızlardan heç kim bu mövzuda entri yazmayıb. Dedim qoy kasad və təməl bilgilərimlə bu başlığı açım. Qızlar, bu və bu tip başlıqlara bir əl gəzdirin, zəhmət olmasa. Entridə də etdiyim səhv varsa, mənə bildirib düzəltməyimə kömək etsəniz, sevinmiş olaram.

    Son olaraq, öz dəri tipinizi ən dəqiq öyrənməyin yolu ən yaxın kosmetoloji mərkəzdir. bu yazdıqlarım ümumi kateqoriyalardır.


üzv ol


...