bugün wiki təsadüfi son
sözaltı sözlük
məsləhət postlar mesaj Profil

...

anar amin

|
7,457 | 1 | 9

əjdahalar  googlla


    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, 860 qaynar xəttinə müraciət etməyini tövsiyə edirik.

    1. Azərbaycanın həqiqətən yazan, kayfulla şairlərindən biri. Müxtəlif yaşanmışlıqların içməyi öyrətdiyi, içməyin də şeiri öyrətdiyi adam. Şeirlərini sərbəst vəzndə yazır. içki adı çəkilən şeirlərin hamısında olan şeir kimi dahi.

    Dağlarda saz ifa edən aşıqlarla, dəmir yolu xətlərinin qırağında içən adamlarla, sözüylə bərabər bir rumkası da olan yeyib-içən el oba ağsaqqalları ilə ilə çox bomba arası var. Səmimiyyət dolu adamdı. Şeirləri də qəmi, kədəri, nəşəsi ilə o təəssüratı yaradır.

    Şeirlərindən:
    Şərabın Aqşin Yenisey halı

    Hər içəndə dərdi, qəmi başımdan
    Atanacan, atanacan içmişəm.
    Bəzən olub, gecikmişəm... dostlara,
    Çatanacan, çatanacan içmişəm.

    Arzumuz qərb, imkanımız şərq olub,
    Aramızda bax bu qədər fərq olub.
    Xəyallarım... dəryalarda qərq olub
    Batanacan, batanacan içmişəm.

    Başım bəla çəkib doğru söz üstə,
    Doğru olan düzdə qalıb üz üstə...
    Mürgü vurub baş qoymuşam miz üstə,
    Yatanacan, yatanacan içmişəm.

    Ümid kimi bax dostun hər birinə,
    Göy birinə ümiddir, Yer birinə!.
    Yatıb-durub... aləmi bir- birinə,
    Qatanacan, qatanacan içmişəm.

    Şərabın Anar Amin halı

    Şərab gedib xatirələr qapısın
    Döyənəcən, döyənəcən içmişəm.
    Dostlar məni tərifləyib hər dəfə
    Öyənəcən, öyənəcən içmişəm.

    Ağlamışam kiminsə bir sətrinə,
    Göz yaşımın qoxusu nə, ətri nə?
    Kimsə mənim, mən kiminsə xətrinə
    Dəyənəcən, dəyənəcən içmişəm.

    Üzüm üzə, gözüm gözə isindi,
    Könül umdu, umduğundan küsündü.
    Hansısa dost mənə "içmə, bəsindir",-
    Deyənəcən, deyənəcən içmişəm.

    Gül arzumu yazda vurdu bu şaxta,
    Mən nələrdən keçib gəldim bu vaxta!
    Bu ömürə, bu taleyə, bu baxta
    Söyənəcən, söyənəcən içmişəm.




üzv ol
Modalı bağla





...